الف الف مبروك ... وحلم اونا يبشر بخير
يالله يابنات خيطوا فساتين مافيه وقت العرس قبل رمضان إن شاء الله
وقصة خطبك صدقيني تصير كثير
وحدة من الخطبات اذكر في الشوفة صحيت من النوم والا امي فوق رأسي انزلي يبي يشوفك
انا يادوب افتح عيوني قلت مين!!!
قالت واحد خاطبك.. مباشرة تكرنت
قلت ماراح اقابله لو ايش ليه ما عطيتوني ووو
الوالد كملها فتح دولابي و طلع لي لبس بمزاجه وقال البسي هذا
قفلت اخلاقي بجد وشلت بخاطري ليه ما قالوا لي وليه يطلع لي فستان شايفيني دلخة مثلا
لبست الفستان
وانا انزل من الدرج ابوي جمبي يرمي شعري ورى كتفي
يقول اجمل لا نسفتيه ورى
لو المجلس مو جمبنا كان تخانقت مع اهلي كلهم وش اجمل ما اجمل
حسيتني باختصار بنت من التراث افشل بكل ما تحمله الكلمة من معنى
الفستان قبيح والشعر مثل فوازير رمضان القديمة وحالتي حالة
نرجع لموضوعك يا حلوة
اشوف مافها شيء يقوله اخوك الكهرباء عطلان ممكن تجي ثاني عشان تشوفك البنت
ولو يهمك تتأكدي هل كلامه حلو وخفيف دم خلي اخوك يكلمه ويفتح الجوال سبيكر واسمعيه
والله يسهل امرك بجد انبسطت لك الله يكتب لك مافيه خير وخيرة