غيرة اختي وحكمها علي في فرائضي وحياتي الخاصة
السلام عليكم
ماعرف والله من فين ابدا لاكن بقول الي بخاطري لان مافيه احد يسمع لي غيركم
لدي اخت مطلقه واحس انها تغار مني بشكل ملحوظ
جاني خاطب واهله زارونا وتكلمت امي معي وتقلي وش رايك قلت لها اني استخرت الله وارتحت
وابي اتزوجه ان شالله
قامت اختي عصبت وقالت انتي اصلن تعرفين وش الاستخاره انا هنا انصدمت
قلت لها كيف ماعرف الاستخاره قالت انتي اصلن صلاتك ودينك كله نفاااق ؟؟؟؟؟؟؟؟
والله حسيت اني ببكي انصدمت واستغربت وش ذا الكلام انا الي مافوت فرض ويشهد الله علي
حتى لو اني نايمه افز من نومي واصلي فرضي حتى صلاة الوتر ماتهاون فيها ابدا وهي تعرف ذا الشي
قلت لها ليش خير وش فيه
تخيلوا قدام امي تقولها بصوت عالي
تقول انتي تبين تتزوجين بسرعه ولاهمك استخاره ولاشي عشان ...............
اسفه اني كتبت الكلمه بس من قهري من ذي الكلمه
انصدمت من كلمتها ذي وش دخل ذا بذا
وخير ياطير يعني لو تزوجت عادي كل المتزوجين كذا
انا انقهرت من كلمتها وقلت لها خير وش فيك اجل من فين جالك عيال من الجدار
والى من السماء
وعصبت قالت اصلن احنا نبي الفكه منك
ياعالم انا منصدمه ليش تسوي كذا فيني
وانا الي قايمها فيها وفي عيالها
والله العظيم اني اخدمهم وماخليها حتى تخش المطبخ وبالاخير تجازيني بذا الشي
تقط كلام يجرح وتتهمني في فرائضي وواجباتي قدام ربي
تكفووون شوروا علي وش اسوي معها
الله يرحم والديكم لاتقرون وتطنشون والله مالي حد غيركم افضفض له
من القهر الي فيني قلت لامي لو يجيني مدمن زوجوني عشان ترتاحون وانا ارتاح وش ذا الاسلوب
والتعامل
استغفر الله العظيم بس
التعديل الأخير تم بواسطة روح المساء ; 23-06-2012 الساعة 11:54 PM
السبب: حذف كلمة \تعديل العنوان