الهنوف تقول أن ... زواج الـ................. أحلى ..!!
يعطيك ألف عافيه يا الغاليه على هذا الطرح الموفق ...
وأنا شخصياً أشوف أن الزواج بالعقل أحسن وله طعم أحلى من زواج الحب ... يعني إذا الوحده حبت وعشقت هذا الانسان وتكلموا عن كل المواضيع قبل الزواج أجل وش بقى لبعد الزواج فقط الانجاب !! .. حلو أن الوحده كل يوم تكتشف شي في شخصيه زوجها .. حلو أن المرأه تكون ذات عزه والزوج هو اللي يختارها من بد البنات يمكن يكون سامع عن تربيه اهلها الحسنه وعن طيب أصلهم .. وعدم تخليهم عن العادات والتقاليد وحفاظهم على البنت هذي ..
وصحيح كل شي مقدر ومكتوب بس اللي نسمعه أن أغلب اللي تزوجوا عن حب انفصلوا .. لأنهم كانوا يمنون بعض على اشياء ماكانوا يقدرون يسونها ومهما يكون الرجل يخبي مساؤه والبنت بعد والحب أعمى يعني اللي تحب بتشوف صفات الدنيا الزينه كلها في حبيبها ولكن بتكتشف أنها كانت على غلط بعد فوات الأوان ..
أما أن الوحده بتحب ولد عمها أو ولد خالتها فهذا موضوع ثاني .. لأنها بتكون على بينه .. لأنه تربه معاها منذ الطفوله وعارفته زين يعني مو مثل أي شاب بتكون معاه علاقه وبعد الزواج بتكتشف أشياء بتنصدم فيها ..
وفي الأول والأخير كل إنسان يأخذ نصيبه من هالدنيا .. وهذي نظرتي للموضوع أتمنى أن تتقبلينها يا أختي الحبيبه .. وننتظر جديدك ومفيدك يا غاليتي ...