صباح الخير ..*
اشكركم حبيباتي لمشاركتي في الرأي و التفكير ، عساني ما انحرم من طيبة هالقلوب*
احب اقولكم اني و بعد تفكير عميق آثرت الرفض ، فكرت اتكلم مع اخوي و اطلب شوفة ثانية
بس ما حبيت اشوفه و انا ميالة للرفض اكثر من القبول ..
سبحان الله شي في نفسي ما قدرت افكر فيه ، ماادري وش جايني ..
أول مرة يجي شخص مناسب نوعا ما و أرفضه بقناعة تامة و الحمد لله*
على كثر ما كنت متلهفة ابي اعرس لكن توصلت لقرار اني مستحيل اتزوج بعد ارادة الله
مابي كذا خلاص واقفة نفسي عن هالمشروع بِرُمتّه ، مرتاحة و مستقلة بذاتي بدون الرجل في حياتي*
صحيح القرار مش صائب خاصة اني صغيرة بالعمر و اولادي عايشين مع والدهم ، يعني مافيه سبب*
يضطرني للرفض ، بل بالعكس يفترض بي أتزوج و اخلف و املا فراغي و اعيش الحياة بالحلال
لكن لاحظت اولادي اذا لمحت لهم اني بتزوج يزعلون و يعترضون*
ولدي يقول بعدين وقت الاجازات وين نروح ياماما نجي بيت جدة وما نشوفك .؟؟
بصراحة نقطة ضعفي بحياااتي ولدي لو يبي قلبي اطلعه و يعيش بدالي*
ما ابيه يكبر و يلاقيني مع رجال ما يمت له بصلة و يمكن يسيئ معاملته او يفرق بيننا**
وانا عندي أمل كبير بالله و دام هناك قلب ينبض فلن أترك الدعاء لفلذات كبدي بأن يقر الله عيني*
بعودتهم لي مرة أخرى ..
أشكركم كثيرا بقدر قلوبكم الطيبة و كلماتكم المليئة بالحب و المشاعر الاخوية
دعواتكم يا احبة