رد : أمهات مكلومات بحاجه لدعواتكم
اقتباس:
المشاركة الأصلية كتبت بواسطة الفردوس غايتي
لا اله الا الله .. بسم الله ماشاء الله
والله بكييييت من فرحتي بوخيتك يا ام سلطان
يارب لك الحمد ربي عوض صبرها خير
ماعندي شي اقوله بس انا حاسة فيها 
غلبتني دموعي يا ام سلطان
اسأل الله العظيم أن يجمعها باطفالها على خير و يلم شملها
باذن الواحد الاحد الرحمن الرحيم
بلغيها سلامي و دعواتي |
الله يجزاك خير يافردوس وتسلمين حبيبتي هذا من طيبة قلبك يالغلا ومشكورةعلى دعواتك الجميلة والحمدالله رب العالمين يافردوس مافيه شئ يضيع عند رب العالمين سنين بعد سنين واختي تتجرع المر والحزن ذبحها على فراق عيالها ونفسيتها متأثرة ببعدهم عنها حتى لو حاولت تخفي مابداخلها من حزن وقهر إلا إنها تفضحها عيونها ونبرات صوتها امامنا ومن طريقة تعاملها وتعلقها الشديد بأطفالنا نحن اخواتها ياما رددت على مسامعي ياترى ولدي الحين كيف صار شكله ياترى كبر وتغير ولا ماتغير ياترى هو يذكرني ويذكر وجهي ولا نساني ياترى بنتي كيف صارت الحين
اسئلتها كثيرة عندي واحد من اولادي ياخذ من ملامح وجه ولدها بينهم شبه الاحظها دائما مهتمه فيه لو زرتها دايم تبوسه وتضمه وتجلس معاه وتقول لي ولدك هذا يذكرني بولدي بشكله وكلامه وكل شئ فيه احسه نسخة من ولدي ونا اتحسر عليها وانقهر واجلس اطبطب عليها واواسيها واقول لها الصبر زين اصبري يجي يوم ان شاء الله وهو ولدك بنفسه يجيك يدور عليك ويسأل عنك والحمدالله ربنا فرجها وجاء هذا اليوم السعيد وان شاء الله بتشوفه في شهر رمضان المبارك اعاده الله علينا وعليكم بالمسرات هو بيزورها بالسر مايبغى ابوه يدري عنه لأنه ابوه الحين لو شم ريحة خبر انه تواصل بأمه والله ماغير يطير بالولد ويسئ معاملته ويبهذله بس الحمدالله الولد يسوق السيارة ويقدر يزورها في بيت اخواله هي بتروح زيارة لإخوانها واتفقت مع ولدها يمرها عند خواله اللي هم إخواني
حتى كان نفسي اشاركها فرحة لقائها بولدها لاكن للأسف ابوسلطان قائده هاذي السنه ضاربة فيوزة ما اعطاه اجازه وإلاكان تلاقيني طايرة لديرة من 1\8 بس ظروفهم في العمل ماتسمح لهم وإلا هاذيك اللحظات ما تتفوت انا خالة الولد نفسي اشوفه متقطعه والله اني فاقدته وواحشني مرة عاد امه مسكينه كيف الحين مشاعرها واحاسيسها تجاه اللحظة هاذي الله يكون في عونها ويسهل لها لقائها بولدها وانا كفاية طلبت منها انهم يصورونه ويرسلون لي صورته ابغى اشوف شكله اقل شئ بالرغم من حزني وقهري على فوات لحظة اللقاء بينه وبين امه لاكن اهم شئ إن امه تشوفه وتقر عينها بشوفته انا مو ضروري مع الأيام ربنا يسهل لنا ونشوفه إن شاء الله تعالى
ابشري سلامك ان شاء الله يوصل لها ودعواتكم كلكم راح توصل لها إن شاء الله تعالى
والله يسلمك يافردوس ويقر عينك بصلاح وهداية اولادك يارب ولا يحرمك من شوفتهم يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 29-06-2012 الساعة 12:12 PM