أمنيات

أنا و زوجي علاقتنا كانت كويسة و الحمد لله ..
و الشي هذا ما كان عاجبهم ..

تبغيهم يوقفوا معاي في يوم من الأيام إذا اختلفنا أنا و هو - لا سمح الله - ؟؟؟
هما يدوروا عن الفرصة هذه .. و ما زالوا ينتظروها ..

.
.

و من ناحية أولادي و علاقتهم معاهم ..

أنا من قبل لا أحمل و أجيبهم ( و حماتي تقول ، أولاد ولدي اضربهم بكيفي ، بس أولاد بنتي أدلعهم عشان أبوهم لا يزعل )
و بالفعل ، أولاد أخو زوجي - مكسورين - و أهل زوجي يتحكموا فيهم و ينضربوا منهم ..

لكن أولادي أنا ، ما أسمح لهم بإنه أحد يكسر كرامتهم و يهينهم ..
ما راح أسمح لولدي إنه يعيش مثل ما عاش أبوه ، و أولاد عمهم ..

إذا بناتهم - أخوات زوجي - مستعدين ينتحروا ، و لا يرجعوا يعيشوا في بيت أبوهم ..
إيش تسمي الشي هذا ؟
و ما بأجيب أي شي من عندي ..

.
.

و أنا وقت فكرت أرجع أواصلهم يا عزيزتي ..

فعلشان ( ربنا ) .. ما انتظر منهم مقابل ..
بس أتمنى إنه اللي صار ، خلاص يكون خلى الكل يعرف ( حدّه )
و إنه تكون وصلتهم الرسالة ..

.
.

مع إني مازلت مترددة بداخلي ، و كل ما أشوف حالي عايشة و الحمد لله بدون مشاكل
و افتكر كيف كنت ( قبل ) .. أقول لنفسي ( و ليش أوجع راسي ) ؟