أخي ووالدي أبومريم

واثقه كل الثقه بأن كلامك كله ما هو الا خوف وحزن علي
وكلامك ما زعلني لكنه صدمني ويمكن هذا الرد كنت احتاجه
لكني والله للحين استحي ارجع اقراه مره ثانيه ولازم ارجع اقراه مره ثانيه
انفعالك وخوفك علي كان بمحله وانا اقدر لك الشي هذا
وادري انك زعلان مني وعلي
دام في العمر بقية بحاول قدر المستطاع احافظ على نفسي وارجع الانسانه اللي ابي اصير مثلها

لكن فيه شغله اخوي
والله العظيم .. لو اوصل لأقصى حالات الضعف والضياع .. صدقني ما راح انجرف واطلع معاه او مع غيره
ولا اني ارسل صورة لا من قريب ولا من بعيييييد
والله ما راح اسويها ولا بفكر اسويها

صحيح انا اضعف وتجيني حالات الله يعلم فيها لكن ما راح اوصل لهذا المستوى بإذن الله
لو كنت بسويها .. كان سويتها من قبل يوم كنت اكلمه طول الوقت واقول له كلام اكبر من كذا بكثييير
ويوم كان بيني علاقه كنت مستحيل اسويها .. اما الحين لا ورب الكعبه ما اسويها

قبل يوم كنت اترجاه يظل وياي كان له هالشرط بس رفضته .. وتركني بسببه
كان بعد ما يأس من صورتي كامله .. كان يطلب مني صوره لشعري او عيوني او لون بشرتي
بس انا كنت ارررررفض رفض قااااطع وقلت له حتى ظفري ما راح ارسله لك عشان كذا تركني
الحين بعد كل اللي صار لي تبيني ارسل واطلع .. لاااا ابد

كل اللي صار هالمره هو رسايل بالايميل فقط لا غير
لا كلمته بالماسنجر ولا جوال .. اصلا ما عنده رقمي
وانا مابي ارجع اكلمه بالجوال ولا اتواصل وياه .. كل اللي صار نزوه واتمنى انها راحت

اذا صار اخوي ولا قدر الله قلت لكم اني رجعت لذاك الطريق .. ثق تمااااما ولا تخاف لاني ما راح اطلع ولا ارسل صور ولا بكلم جوال
وانا مثل ما قلت في مشاركه سابقه .. غيرت الباسوورد لرقم ما حفظته عشان ماا اضطر ارجع ادخله
والله يستر علي ويبعدني عن طريق الحرام

كلامك كله صح اخوي وبمحله
انا ودي اتغير جذريا .. واتغلب على نفسي
والف شكررررر انك ما بتتخلى عني
واتمنى انك ما تفقد الامل فيني ..

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين