المشاركة الأصلية كتبت بواسطة لكل شي حد

ابوج تصرفه روووووووووووووووووووووووووعه مع ريلج (باستثناء نقطة انه يساعده ماليا طبعا لأن ولا ريال يرضى بهالشي)... عموما تصرف ابوج سليم لأن اللي صار خداع واضح عيني عينك خاصة انهم انكروا انهم اتفقوا معاكم على الشقه المستقله...

الأمر الآن يعود لج... تتقبلين تعيشين معاهم او لا... ولا أي واحد من الأعضاء بيقدر يساعدج و بكل صراحه... الأخوات ممكن يعطونج تجاربهم و الأخوان بيعطونج وجهة نظرهم... و لكن في النهاية انتي اللي بتعيشين معاهم و انتي لازم تحكمين عقلج قبل عاطفتج هني..

اكتبي ورقه فيها سلبيات و ايجابيات العيش مع اهل الزوج..

عني انا طبعا ضد السكن مع أهل الزوج لأسباب.. منها ما راح اقدر البس على راحتي الا في غرفة معينه... ما راح اتكلم و آخذ راحتي معاه مثل ما انا أبي... الرجال ما يحسون بهالنقطه ابدا لأنهم ما يعانون منها... بس في النهايه اي زوجه تحب تتزين و تتدلع لزوجها في اي وقت مب في غرفه معينه فقط... ما راح تقدرين تستقبلينه بالأحضان اول ما يدخل... يعني استقلاليه ماااااااااااااااااااااااااااااااااااااااااشي أبدا أبدا... و بعد بحس اني مراقبه.. و الأنظار علي... بصراحه وضع مووووووووووووووووول ما احبه... يا اختي حتى ضرابه ما بتقدرين تتضاربين معاه... البيت لازم بيعرفون ان في مشكله بينكم صايره... مووووووووووووووول ما في خصوصيه...

أذكر مره زوجة اخوي كانت عندنا في البيت و صار شجار بينها و بين اخوي و طلع الحبيب معصب... واااااااااااااااايد زعلت لحظتها لأني شفت الإحراج في عيونها... و امي كل شوي تدخل عندي و تقول كلميها شوفي شو صاير مب تدخلا في مشاكله.. كانت خايفه عليهم... و زعلانه من أخوي لأنه عامل زوجته جذي... يعني توقعي التدخلات السلبيه و الإيجابيه...

الإيجابيات ممكن تكون التالي... أعمال البيت بتقل عليج كونج بتنظفين غرفتج بس (مب واجب عليج شرعا خدمة أهل البيت كلهم من تنظيف و غسل و طبخ و لكن إذا سويتيه فهو يعتبر من حسن التبعل للزوج)... همممممممممممم مب قادره افكر في شي للوقت الحاضر... للمستقبل ممكن انه إذا بتكونين تدرسين و عندج ياهل... فأم زوجج راح ترعاه في وقت غيابج (مع انها مب ملزمه بهالشي كفايه تعبت و ربت عيالها و هي بصراحه الحين جده مب لازم انها تتكفل برعاية أحفادها)...

فكري عدل و اسألي اللي سكنت مع أهل الزوج كيف وضعهم...

و لكن يا اختي... لازم شوية نقاش مع زوجج... التراجع عن شي كبير مثل هذا بدون ما ينقاشج فيه قبل خطوه مب حلوه منه كزوج... الحياه الزوجيه مشاركه... و إذا ما شاركج في اختيار مسكن الزوجيه شو هي الأشيا اللي ما بيشاركج فيها بعدين...

و في حل وسط بس بصراحه أحسه ما راح يطبقه... انه يوعد ابوج انه ينقل بعد الزواج بفتره زمنيه معينه... يعني ما تسكنون عند أهله أكثر من سنه مثلا و بعدين يرتب اموره و يطلع...

أنا اخواني كنت حاااااااااااااازمه معاهم في السكن معانا... و الحمدلله سمعوا كلامي و سكنوا بروحهم.. و مرتاحين آخر راحه...