رد : محتاجة استشارتكم بقصتي مع أهل زوجي ..
روح الطير بما انك ماطلبتي إلارأي الأخت الفاضلة سيدة الموقف والنعم فيها صراحة ويشهد الله انها حكيمة وان كل كلامها ومشاركاتها درر ماشاء الله تبارك الله الله يحفظها ويزيدها من فضله وانا اؤيد كلامها وأيد حلها وبقوة انتي زوريهم بالشهر مرة ان شفتي انهم تقبلوا زيارتك واستقبلوك احسن استقبال وماهمزوا ولا لمزوا فكان وبها زوريهم مرة بالشهر زيارة خفيفة وإن شفتي انهم طولها وكبروها احسن شئ انك الباب اللي يجيك منه ريح سده واستريح انتي عملتي بأصلك وما فيك قصور حاولتي الإصلاح والتقرب منهم بالرغم من إني اشوف ان الغلط راكبهم من راسهم لساسهم
حتى ابو زوجك صراحة بالله فيه أب يمد إيده على ولده وهو متزوج علشان الصلاة طيب يصلي هو بالأول بالمسجد وبعدين يجي يتكلم على اولاده وبعدين هو القدوه لهم عياله بيطلعون عليه بعدين ليش مارباه من وهو صغير وخلاه يتعود على الصلاة في المسجد ومعروف العود من اول ركزة وامه الله يهديها ماتقصر هي بعد واخواته المساعدات لها روح احمدي ربك انك طلعتي من بين هاذي الأسرة والله احس ان البعد عنها اولى تدرين ليش لأن لا تستبعدين انك لو خالطيهم وصالحتيهم وهم تعاملهم واسلوبهم كذا راح يخربون عليك تربية عيالك وراح يهدمون كل شئ طيب تزرعينه في اطفالك خليك من بعيد لبعيد لو تصالحتوا بالرغم من إني اشوف انهم من الحين ابتدوا يشوفون انفسهم ويرفعون خشومهم عليك المفروض هم اللي يعتذرون وهم اللي يصالحونك ويقومون بزيارتك بالنسبة لوقفتهم وقت العزا لا تستغربين والله ياروح بعضهم مايسون كذا إلاعلشان كلام الناس انهم يمدحونهم ويقولون شوفوا نسبهم واقفين معاهم وماقصروا يمكن علشان المظهر امام الناس مو علشانك او علشان شئ ثاني وإذا بغيتي تتأكدي من صدق كلامي لو هم نيتهم صافية تجاهك كان تقبلوا مناقشتك لهم وكان ماطلبوا انك تعتذرين وتبوسين راس ابوهم وامهم كان نسيو كل اللي راح وفتحوا صفحة جديدة واعتبروا وقفتهم معاك في وقت العزا مصالحة لك ولرجوع المياه لمجاريها بدون اشتراطات
لاكن انتي اعملي باللي يمليه عليك ضميرك ويريحك ان تقبلوا منك كان وبها وان لم يتقبلوا خليهم على راحتهم وريحي نفسك من وجع الراس وخليك في حياتك وبيتك وماعليك من احد الكلام عمره ما موت احد ويمكن ان قربهم يسبب لك مشاكل مع زوجك وبعدك عنهم اريح لك وافضل وفي يوم من الأيام والله غير يصحصحون ويعرفون معدن روح الطير ويعرفون ايش الغلط والخطأ اللي ارتكبوه بحقها اتوقع ان عندك حمو باقي ماتزوج صح انتظريه الين يتزوج يمكن ربنا يطلع حقك وحق سلفتك الطاق طاقين منهم خليهم يزوجونه وراقبي من بعيد وشوفي العواقب وراح تشوفين انه كما تدين تدان وكمان بناتهم والله غيرإن الله يبتليهم بأهل ازواج اسوا من اهاليهم مع كناينهم وتشوفين الدنيا هاذي فيها دروس وعبر في حياة البشر
وربنا يسعدك ويوفقك في حياتك ويخلي لك زوجك واولادك يارب واعتذر منك لأني لقيت الباب مفتوح لموضوعك فدخلت وشاركت فسامحينا على التطفل .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 03-07-2012 الساعة 05:43 PM