أتمني ما يضايقك كلامي و لكن تحمل صراحتي و ان كنت ممن لا يعجبهم الرأي الاخر فهذا يخصك و لا يخص غيرك و لن يكون ملزما لي بأن أتقبل كل ما اقرأ " ترا عادي اللي بقوله يعني المقدمه هذي مباعده مو محارش "
اولا نورتوا السعوديه و اهل الكويت حبايبنا و ربعنا و لا اوصيك ود المدام و اعزمها على غدا تستهاهل و لا ودي اذكر اسماء المطاعم عشان ما تصير دعايه لهم لكن فيه مطعم مجبوس خرافي خرافي بمعنى الكلمة .
ثانيا عقبال ما تروحوا مكه ان شاء الله و تعتمروا انت وياها تستاهل من يوديها باست يدك و انتم رايحين الخفجي اجل مكه وش بتسوي لك هذي اللي تستاهل من يوديها
ثالثا زوجتك " إنسانه " يعني فيها إنسانيه يعني تقدر الشي اللي تسويه لها و تبينه لك ... انت أخذتها معك من باب صلة رحم وكثر خيرها اللي راحت معك عارف فيه كثير بيرفضوا و يقولوا وش دخلني بخالتك ! هنا هل تقدر تلزمها ؟ وش راح تكون ردت فعلك ؟ ووش فيكون انطباعك ؟ و بنفس الوقت تكون حرمه مصليه صايمه قايمه بحقوقك ولكن مالها مزاج تروح معك ... أكيد بتكون نفسيتك تأثرت هذا ان ماشد الكلام و تطورت الامور لمشكله بينكم ... اذا في هذه الحالة زوجتك إنسانه حقيقية او فلنقل انثى حقيقية .
و مما سبق يتضح ان العنوان كان يجب الا يكون يطلب من الرجل ان يكون رجلا حقيقا وانما كان يفترض ان يكون موجها للنساء ... و يكون كوني انثى حقيقيه
أنا اعرف واحد عز المعرفه ودا زوجته عمره والمغثه كانت قبل العمره و بعد العمره لا باست يده و لا شي ... و بعدها وداها المدينة المنوره و ماقدر يتحمل سلاطة لسانها اللي بدت من اول ما خلصوا صلاة ... ما كان يبحث عن بوسة يد ولا بحث عن شكر فقط طلب ألبكة من سلاطة اللسان و يطلب منه ان يكون رجلا حقيقيا ... الموضوع حلو وزوجتك فيها خير فحافظ عليها فأنت في نعمة كبيرة فإن رأيت منها صغيرا لا يعجبك تغاضى عنه إكراما لكبير اعجبك رغم صغر ما قدمت و لم تقدمه لها انما هو من باب وصل انت مطالب فيه الا انها اعتبرته كبيرا تستحق التكريم عليه و هذا من كرمها و طيب نفسها ... آدام الله عليكم محبته ...