باســم الله عليج حبيبتي..ربي يحميج ويطهرج من كل المعاصي
لاتخليــــن الصدمة تنسيج النعم اللي ربي منعمها عليج
إنتِ أحسن من غيرج والله..احمدي الله ليل ونهار واجعلي غايتج فقط رضى الله عليج
زوجج طلقج..يمكن الأمر خيرهـ لج وله
الحياة بينكم كانت متعبة..أحيانا الطلاق حل لكثيييييير من المشاكل
لاتوقفين في مكانج ساكنة ما تتحركين
قومي نظمي حياتج صح..وربي أطفالج وعوضيهم قد ماتقدري
حياتج الحين ابتدت..اصنعي لج طريق تفتخرين فيه يوم الحساب
لاتحقدين على طليقج..ولاتقعدين تسبينه ويا ليت وياليت..!
هذي الأفكار ماراح تخليج سعيدة..بالعكس بتصيرين تعيسة وحزينة..وبتدورين بحلقة مغلقة

خلاااااص...انسيــــــه وانسي كل الأذى اللي سببه لج
ولاتسمحين لأي أحد حتى لو قريب يتكلم فيه..علشان ترتاحين بعدين
أهلـــج والناس لما يشوفونج متغيرة للأفضل...أكيد بيقولون الطلاق خيرة لها
أما لو شافوج حزينة ومتضايقة..بقولون هي السبب..ما اعرفت تحافظ على زوجها وبيتها

الناس ماتدري العلقم اللي تعيشه المرأة مع زوج قاسي نكدي..الناس لها الظاهر فقط
قلبي معـــــــــــــــــاج..وسأدعـــــــــو الله لج في صلاتـــــــي..,,,