اقتباس:
المشاركة الأصلية كتبت بواسطة حلم وتحقق....
الله يبارك فيج اختي وحبيبتي..ربي يهنيج في حياتج ويجعل السعــــــــادة دوم في طريقـــج
امين يارب يالغالية ولج بالمثل
والله فرحت بردج هذا وضحكت من قلبي
حياتي معاهـ عاديه...
أقدر أقول إني بدأت أحبــــــه لولا العاب الكمبيوتر اللي ماخذهـ جزء كبير من وقته...هههه مثل زوجج مدمن عليها
هههههههههههههههه
يعني حاسة باحساسي 
الحمدلله تخلصت من جزء كبير من الوساوس اللي كانت مسيطرة علي..وزوجي بعد الله كان له دور في شفائي
تركت بعد الأدوية والمهدئات منذ أكثر من شهر..ونجحت في دراستي..في بعض الأمور اللي أحزنتني
والحمدلله على كل حـــال..,,,
ما شاء الله تبارك الرحمن
أنا أشوف انك قاعدة تمشين في حياتك صح
أهله ما أحبهم..وما أحب أعرف عنهم أي شي..لما كنت منومة في المستشفى ما أحد فيهم فكر يطمن علي
حسيت باحباط..وحزن..ومرته الثانية الكل يداريها..كيفهم..مايهمـــني
بس حقيقة..هالشي مسبب لي حزن حتى لو قلت لاء..يظلـــون هم أهل زوجي ورحم ولدي..
ما أحب أبادر..أحس إن هالشي ضعف..الماضي انتهــــى..ليش أحس إنهم ما يبون ينسون مثلي
رمضان ع الأبواب وأنا أفـــكر بالتقرب من الله..بس متوترة من اللقاء بعد كل هالسنين
ومرات أقول في نفسي دام هو ما جاب لي سيرة..ليش أزعج نفسي..وأزورهم..وأفتح لي باب مجهـــول\
مادري فكري مشتت..وضايع..!
|
شوفي أختي حلم
أنا بكون صريحة معك والخيار لك ...
الحل بنظري هو كالاتي
أولا : انك تتجاهلين موضوع أهل زوجك في الوقت الحالي , وتكملين سعيك في حياتك الخاصة ومع زوجك بحيث ترتبطون ببعض أكثر وتفهمون بعض أكثر وتوصلون لمرحلة من الرضا عن حياتك الخاصة والزوجية , وتقطعين شوط في جانب الاستقرار النفسي لان هذه نقطة مهمة جدا في حياتك...
2- خلال هالوقت يكون زوجك يشتغل عليهم , يعني يكون هو السبب في ان يسهل لك الامور وما تدخلين عليهم كذا فجأة , يعني يبدأ يمهد لهم هو ان فلانة تذكركم بالخير وتحبكم , ويبدأ يقنعهم شوي شوي انكم تبغون ترجعون العلاقة , بعدها بفترة ترسلين هدية من بعيد لبعيد , وبعدها تكون الزيارة بحيث يكونون مستعدين نفسيا ويكون زوجك هيئهم لهذا الاستقبال وخفف كثير من حدة مشاعرهم عن التجربة السابقة ...
ولكن لازم زوجك يكون بالصورة ويسهل لك الدرب
والله يوفقك ويسهل أمورك يارب