اقتباس:
المشاركة الأصلية كتبت بواسطة حلم وتحقق....
|
قبل طبق الحلو
اتفقي معاه انه يبدأ يحنن قلوبهم ويشتغل عليهم
مثلا يا حلومه اذا انت غلطتي عليهم
يقول لهم : ترى حلم تغيرت , وهي كانت تعبانة مثل ما تعرفون ومو بيدها
هي تدري انها غلطانة , ترى هي تحبكم
وجذي
يقعد فترة يقولهم انه انت تغيرت عن أول وان قلبج عليهم وووو ... الخ
بعدين لما تقترب زيارتج لهم يقولها لهم بكل صراحة ..
مثلا : يمه ترى هي مستحية , لا تكشون بوجهها ووو الخ
ما في أحلى من الصراحة يا حلم
انت غلطتي وهم قاطعوج , زوجج عليه يحنن قلبج ويحنن قلوبهم وبعدين يجمعكم مع بعض
وتنتهي المشكلة باذن الله
انا حاسة ان اهل زوجج زينين بس شوي تضايقوا من المشاكل الاولية
واول ما يشوفونج تغيرتي بيتغيرون باذن الله 
عمج اذا كنتِ قبل زعلتيه وكسرتي خاطرة
فاعتذري له بكل صراحة
وقولي له عن وضعج ذاك الوقت وانج كنت تعبانة ومو قادرة تفكرين صح
وعطيه هدية محترمة ع حساب زوجج 
مثلا عود من الغالي
الحل مع زوجج بعد الاستخارة منج
خليه يلعب ع الحبلين
وهمسة لج يا حلم :
عمر المبادرة بالخير ما كانت عيب , وعمر الاعتذار عن الخطأ ما ينقص قدرج
بالعكس يرفع قدرج كثير كثير بعيون الناس
تشجعي بس بحكمة وتوكل على الله سبحانه وتعالى
وارجع واقول خذوا وقتكم الين زوجج يجهزهم تماما لاستقبالج بشكل ما يأثر عليج ولا يجرحج
الله يوفقج يا قلبي لكل خير