اقتباس:
المشاركة الأصلية كتبت بواسطة دفــئ
شوف احيانا يعجبني ردك واحيانا اتشام منه لن الله عزوجل يسامح عبده اذا اخطا فمبالك الانسان
اولا مدام ماصار بينهم شي معناته هذا شيطان واخد دخل برسها ه شي لاكن الحيوان هذا يبي يدمرها لان اهو مريض نفسيا لاكن مثل ماسوا فيها بيحصله لاعز ناس مايدرون ان دنيا دواره بعض شباب حمييييير
عليها
|
ياهلا وسهلا بأختي دفى
لا اتشائمين من ردودي يا اختي والله أني اغير على بنات المسلمين كلهم ، وغيرتي مو بيدي ولا اقدر اسيطر عليها ف المواضيع هاذي ولا اقدر حتى اجامل وانافق عشان اكسب تأييد من بعض الاعضاء ، واللي يبي حق لازم يعطي حق.
الله سبحانه وتعالى هو الرحمن الرحيم ، ومن ضرب الجنون انكم اتوصلون رحمتنا برحمة الله لان احنا بشر ولنا طاقة !! فشتان بين رحمة الله وبين رحمتنا!!
انتو كلكم على بالكم ان شرف البنت ابفرجها بس!! عشان كذا تقولين "مدام ماصار بينهم شي" وكأنك متساهلة الموضوع !! يا اختي البنت كلها شرف وعفة من راسها إلى مداس رجليها ، ومجرد انها كلمت رجال هذا يعتبر تفريط من عندها بشرفها وعفتها وشرف أهلها!!
لحد يجيني ويحاول يقنعني انه قلة وازع ديني وامور مراهقة ويقعد يبررلي لأن هالموضوع مالة مبررات ولاله اسباب ، هي المسألة مسألة مبدأ ، هي خانت لأنها خاينة وبس.
هند بنت عتبة رضي الله عنها تقول للرسول وهي في بداية إسلامها "أوتزني الحرة" !! ماقالت أوتزني المسلمة !! او قليلة الوازع الديني او المراهقة او الضعيفة !!
ثم أن بعض الكفار مايخونون لأن عندهم مبدأ الأمانة ، يعني ماردهم وازع ديني ولا ضعف وأبحثي في التاريخ عن حروبهم ووووالخ.
الله سبحانه وتعالى يقول (كل نفس بما كسبت رهينة) أي الجزاء من جنس العمل ، وعليهِ يتطلب منها تحمل كل ماجنته على نفسها وعليها بتقبل ماتستحقة أيضاً من عقاب.
الله يستر على المسلمين والمسلمات ، وأسئل الله لها الهداية والتوبة.