رد : انخطبت بس مو فرحانة(تم الرفض بالرد 50)
معليش يافردوس وصلت متأخرة وشفت موضوعك وقرأت جميع صفحاته وما اقول لك يابنت إلا الله يعوضك خير ويرزقك من واسع فضله يارب وهذا نصيب من الله سبحانه وتعالى ونصيبك باقي للحين ماجاء وإن شاء الله يجي في القريب العاجل يارب
بالنسبة لأولادك وتعبيرهم عن رفضهم لزواجك انا انصحك من اخت محبة لك يافردوس لا تدفنين نفسك بالحياة وتحرمين نفسك متعة الدنيا انتي من حقك إنك تتزوجين وتستقرين وتجيبين عيال وتعيشين حياتك مثل كل البنات اولادك مافيه احد بياخذهم منك وهذولا هما عايشين عند ابوهم ومبسوطين ويزورونك وتشوفينهم والحمدالله انتي احسن من غيرك يافردوس بكرة اولادك يكبرون ويشوفون مستقبلهم ويعيشون حياتهم ويستمتعون فيها وانتي تحرمين نفسك السعادة وتضحين بعمرك وهو من حقك انك تتزوجين وتستمتعين بباقي عمرك واهلك معاهم حق يبغون يتطمنوا عليك وعلى مستقبلك فإذا جاك إبن الحلال الطيب صاحب الأخلاق الزينه لا ترفضينه ووقت النظرة الشرعية فتحي عيونك زين بحلقي فيه بعيونك كلها علشان ما تقولين ماشفته ولا طالعت فيه مثل الخاطب السابق هههههه يافردوس والله اني ودي تتزوجين وتنبسطين وتعيشين حياتك ونفسي اشوفك بيننا سعيدة ومبسوطة زيادة على فرفشتك اللي معانا في المنتدى تدرين إن احبك في الله واعزك واغليك واتمنى لك كل خير وسعادة في حياتك وكل ما اشوف مشاركاتك وردودك اقول والله ان هالبنت طيبة وعلى نياتها وتستاهل كل خير واللي طلقها ماعنده نظر بالحريم بس النصيب يصيب هذا حظك ونصيبك من الله وربنا يعوضك خير ويسعدك في حياتك ان شاء الله يارب.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 07-07-2012 الساعة 07:18 AM