رد : سيدة الموقف..فاكهة الشتاء..أونا
أشكرج..حبيبتي فاكهـة
كلامج عجبني..بس التطبيق شوي صعب..وأكثر من صعب
أهلــه مو بس امه واخوانه..بيتهم في حريم عيالهم بعــد وهم قرايب حيل..أناا أقرب لهم من ناحية الأم فقط
مابي أعتذر..أو حتى أقدم هديــة..جدام الكل
هم علاقتهم مع بعض حيل قوية..أتكلم من ناحيـــة الحمو والحموات..مع بعض وبلبس محتشم ومافي أسرار
يمكن علشان اخوانه تزوجوا خوات..ومافي استقلالية بينهم..
شلون أعتذر على شي خلااااص انتهـــى..!
الماضي أنا نسيته..وكان ممكن جدا أروح لهم بسعادهـ لو حسيت منهم بتقدير ناحيتي..
بس اللي صار صدمني بقدر ما فرحني..!!
صدمني تجاهلهم..وعدم رغبتهم بدعوتي..وفرحني لأني من داخل مابي علااااقات معاهم باستثناء عمتي
أبـــــــــــــــــــوهـ ما كان راضي بالزواج أبداً..وبعد مشاكــــل اضطر إنه يوافق
زوجـــي طلب مني أمس أزور أمه..مثل ماتوقعت
أنا صرفت الموضوووع بطريقة دبلوماسية..ويمكـــن هو سايرني على مزاجــه..!
أنا ودي والله ترجــع العلاقات حلوهـ...بس بنفس الوقت مابي أعتذر على شي خلاص تعاقبت عليه وانتهــــى..!
أذكر لج موقف...طلب مني زوجي أسوي قهوة وشاي لطلعة بر مع أبوهـ والشباب
لما رجـــع قال لي أنه قال لأبـــوهـ إني بنفسي مسويته..ههههه
الرد كان مخيب لي...ما علق بس هز راســـه وشرب فنجاله...
بس بعد مدة قال لي إن أبوهـ سأله كيف حياته معاي..ورد عليه إنه الحمدلله تمام ودعا لي وله بالتوفيق..!
اختي...فكرة إني أقول لزوجـــي يساعدني في تحنين قلب أهله علي..ما حبيتها
ما بي أدخله بهالموضووووع..لأن هالشي يبأثر علي وعليه..!
ناوية أروح بشهر رمضان..وتكون الزيارة خفيفة..بدون هدايا ولا شي
أحس صعبة أهدي بهالوقت بالذات..!
كل الشكـــر لج على مجهودج معاي...ربي ييسر لج كل أمـــــورج
على فكرهـ اللي تمرين فيه طبيعي..أنا قاعدة أمــــر بجزء من معاناتج..بس أحاول ما أفكـــر كثير علشان ما أتعـــــب
وأشغـــل نفسي..وألح على الله سبحانه بالدعـــاء إنه يساعدني ويسعــدني ويهدئ بالي..ويعوضــني خير
وأهم شي ما أحب زوجي حب مرضي وأتعلق في..هالشي خطأ أكيد وماراح يفيدني
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين