فاهم وجه نظرك وتعاطفك معها وعارف الموضوع مو محتاج مننا ان نلوم البنت والان مافيه شيء يعيد الزمن للوراء عشان نمسح اخطاءها بس انا كل اللي اقوله ان الرجل معاه حق وهي الغلطانه مهما نظرنا للموضوع من كل زواياه

ومساأله انها لو ماقالت
فاانا اقول لك مو من حق اي واحد ينبش بماضي الثاني وبالعكس الزوج ستر وغطاء والمفروض ياخذ الموضوع بتروي

بس والله حاجه تقهر يعني انت ليه مخليه تعاطفك كله للبنت

فكري بزوجها اشوي هو اللي تعب "وضيع وقته " وبنى امال كثيره يعني البنت هذي مو بس خربت سمعتها وسمعت اهلها لا

خربت سمعة زوجها بين اهله واصحابه تخيلي ان اصحابك يتكلمون بهالموضوع عنك وان زوجتك كانت راعية شباب قبل الزواج ولانفكر كذا وبس
الرجل هذا راح ياخذ موقف من الزواج كله ويمكن يكره فكرة الزواج من اساسها يعني تخيلي ردة فعله النفسيه والهم اللي عايش فيه الحين هو "الله يفرجها عليه "
ولو سكت على الموضوع وقال بكمل معها ماراح يقدر يوثق فيها نهائيا مهما حاولت انها تكسب ثقته ويمكن بيوم من الايام كذا مجرد انه مل من خشتها يقولها ضفي وجهك انت خاينه ولابتقدر تفتح فمها
(راح تنسى الشعور بالامان طول حياتها)
مشكلتها عويصه للاسف

عطوني رقم الذئب البشري هذا اواعده وانتف حقه عشان يعرف وشلون يخرب بيوت الناس الله لايقيم له بيت لادنيا ولااخره
حسبي الله عليه عدو الاسلام والمسلمين

ولاتحكمين علي وعلى موقفي بس الشرف والعرض اغلى ماعند الانسان

الله يحفظ بناتنا من كل سوء ويهديهم الى الحق يارب