المشاركة الأصلية كتبت بواسطة صاخب جدا

و الله يا أختي مش عارف اش اقول

بس :

لو هي تظهر لي ودها و حبها لي ، و تحفظ أسرار بيتها من الخروج للباب ، و تتعرف على ما أكره و تبتعد عنه

و تتعرف على ما احب و تعمله ، بالتأكيد - كأي رجل- بحبها أكثر و أحترمها اكثر.. و أحطها ع راسي من فوق كمان.
و بحط مثال:

أحب -مثلا- لو دخلت البيت : ألاقيه وردة ، و أدخل المطبخ ألاقيه برضو نظيف و مرتب ، أدخل غرفة النوم اشمها عبقة ... و اطل عليها ألاقيها متزينة و أنيقة ، محضرة لي غدائي اللي هي تعرف أني احبه و أشتهيه,,,
صدقيني هي تكَّة تنازل منها و جيتها على نفسها شوية بتلاقيني أحسن الأزواج -إن شاء الله- ودا و حبا لها و مجاملة لها .أخت اوناا

المشكلة الواحد لما يتكلم عن صنف الزوجات يكون مبتلى -مثلا- بعينة صعبة ، و غير ودودة أو قولي غير قادرة على بلورة الود إلى أفعال و تصرفات. لأنه ما في أنثى ما عندها ود أو حب.

و يكون الرجل يتمنى منها أفعال .

خذي مثال عملي حصل معاي شخصيا :

قلت لها تعالي نسافر نغير جو شوية ، و نروح مدينة كذا ... و فيها بعض من أخواني هناك .. قلت لها بس ننزل عندهم كضيوف ما نقدر نروح فنادق بتحسب علينا أنه عيب و أنه تكبر و شي من هذا القبيل ... بعدين الأولاد يستمتعوا بلقاء أبناء عمهم و يلعبوا معاهم ، و نخرج مثلا جميعا سواء.

اتفقنا طبعا... و ااخر شي لما جينا خارجين من البيت ... نكدت على الأولاد و ع الرحلة كلها ...و قالت ما اسكن بيت حد ..

حاولت معاها يا بنت الناس عيب ما يصير ، لا تحرمي الأولاد من النزهة بسبب أنك تتوهمي أنهم ما يحبوك أو يكرهوك.

الحقيقة في عاداتي هي تعرف أنه عيب أني اروح بأهلي و أنزل فنادق و عندي كثير من الأهل خصوصا أخواني ... بكون ملام جدا .و منظور إلي بنظرة مش حلوة.

ما كان قدامي إلا أني قلت لها شوفي: ما عندك الا خيار واحد في هذي الحالة ، يا كل واحد يروح في حاله لأنك زودتيها كثير ,, يا تروحي حسب ما كنا متفقين .. و أولادك فرحانين و راضيين بالرحلة .. طبعا أنا قصدت أجبرها على السفر... مراعاة للأطفال .
ففكرت شوية و قالت يلا خلاص نروح.

...

ازيد لك نكتة ثانية

سافرنا مرة للعمرة ... مع الأولاد... و اعتمرنا و الحمد لله .. و قالت اريد اروح اقبل الحجر الأسود ..

قلت لها ما يصلح زحمة و عالم و ما يجوزر..

و تقبيل الحجر الأسود سنة ، و ترك الزحام و الإختلاط واجب ، اش نقدم؟ السنة او الواجب..

قالت معليش بروح .. و تركتني مع الأولاد وراحت ...

و ضااااعت و ما لاقيتها الا بعد ساعات و احنا نجري ندور في الحرم.!!!

يا عزيزتي : هذا غيض من فيض ... للأسف المرأة الناضجة الطيبة العاقلة معدومة مثل المسك الحقيقي.

أنا ما ألوم اللي يلبس نظارة سوداء و ينظر للزوجة بنظرة سوداوية ..

لكن أغبط اللي تفصل له زوجته نظارة ملونة بألوان الطيف ، و تخليه يشوف كل الزوجات عسل و طيبات و كويسات و مظلومات