رد : احب طليقي بجنون لاسف !
غاليتي . ....
اول ما قريت موضوعك.. تبسمت على شوية دموع تبغى تطلع...
ذكرتيني بالذي مضى....
أنا مثلك بالضبط...
تطلقت من شخص (كان) ما يشوف زيي... يحبني...
وانا بالمثل... زي ما يقولون حطلي القمر بيد والشمس بيد...
وسيم.. رومنسي.. كريم ... هادئ..
لكن وش نفعني به هالشخص كامل الأوصاف .. غير انه اهداني لقب مطلقة... غصبًا عني..
طبعًا فيه عيوب ياكثرها... ولا تطاق بعد.. بس ما بدأت تتضح لي الا بعد خطوبتي من الثاني...
لأن الشيطان ابرز لي محاسنه ومحا كل عيوبه أحاول أتذكرها ما قدرت.. الا بعدين
هالشخص ملك على بنت عمه اللي كانت حاطة عينها عليه.. وملك بعد اسبوع من الطلاق.. تخيلي..
وتزوج بعد شهر من الطلاق...
وعرفت بعدين انه خطبها قبل ما يطلقني...
انجرحت.. بكيت.. انصدمت.. ماتخيلته مع غيري ... عشت كوابييييس مرعبة...بلعت أدوية عشان أموت وارتاح... امي تعبت... أبوي تعب...
علشان ايش...
عشان واحد ما يستحقني وباعني بالرخيص.. عشان حتة رجل فيه غيره وافضل منه كثير...
وقفت حياتي.. كرهت نفسي .. أهملت مظهري.. ذبحت عمري بجلد الذات والتحسر والندم...
ليت وليت وليت....
كنت في غاية الغباااااء...
الين الايام بدأت تكشف لي الخير من ها الطلاق ...
كان فيه شخص يدعي كل يوم أني اكون من نصيبه... وصارت المعجزة بالنسبة له وتطلقت ..
وشوفيني انخطبت له....
الله حرمني من الاول... عشان ينعم على الثاني...
قعدت أتخيل لو أني على ذمة الاول الى الان ....
الحمد لله ياااارب....صدقيني ياحبيبتي.. طلاقك هذا خير...
وراح ينكشف لك حتى لو طالت المدة...
انت بس كوني أذكى مني... ولملمي شتات نفسك..
لا تسوي زيي... ترى والله تحسرت على كل يوم ضيعته في البكاء على هالرجل...
وعلى الحيز اللي أعطيته إياه...من وقتي وصحتي وشبابي.. وهو ولا درى عني...
أنا زي حالتك بالضبط... والله يوم قريت قصتك.. قريت نفسي فيها...
كلنا نظن ان الطلاق شر.. ونهاية العالم .. ومقبرة المرأة وووووو....
الطلاق زيه زي الموت وكل نصيب في الحياة يجي في وقته بالضبط وبالساعة.. ولحكمة إلهية تعجز
عقولنا البشرية القاصرة عن استيعابها...
اهم شي لا تخلي طلاقك يهز ثقتك بنفسك ويكرهك فيها.. ترى اذا كرهت نفسك رح تنكرهين..
عيشي كل لحظة واستمتعي فيها.. انت بعدك صغيرة وما عندك اطفال.. ولسه الفرصة قدامك...
والصلاة ...الصلاة... وتلاوة القران.. وذكر الله.. وشكره...
وثقي بالله تمام الثقة.. فهو القادر على ان يبدل حياتك من حال الى حال .. زي ما حصل معي...
التعديل الأخير تم بواسطة معالي الوزيرة ; 11-07-2012 الساعة 03:52 PM