منتدى عالم الأسرة والمجتمع - عرض مشاركة واحدة - مشكلتي معه اهلها انتهت بطلاقها (( مستجدات بالرد 68))

12-07-2012, 06:16 AM

#26

Lujain.m

عضو دائم

تاريخ التسجيل: Apr 2012

المشاركات: 76

رد : مشكلتي معه اهلها انتهت بطلاقها

أخويا المهاجر ..
نوعية زوجتك واهلها الطيبة واللينة ما تجي معاهم ،، كون حازم وشديد ،، خليهم يفهموا انك رجال وكلمتك وحدة ولها وزنها ،، ولا تاخذ وتعطي معاهم كثييير وتفتح لهم باب عليك..

المشكلة الكبيرة أنو زوجتك من النوع إلي تحكي كل شئ لأمها أبوها، وبالتالي تفتح لهم باب يتكلموا ويدخلوا في حياتها ويقلبوها عليك .. لازم زوجتك تتعلم فن السكوووت ..

لو قررت ترجعها أنا انصحك أنك تتفق معاها على على نقاط وشروط رئيسية، أو بالأصح قلها : "هاذي شروطي لا جدال ولا نقاش فيها موافقة ولا لأ ؟!! راح تنفذيها حرفياً ولا لأ؟؟!! إذا رفضتي خلاص كل واحد في طريقة من دحين" ..

وانت بتتكلم معاها لا تتكلم بغضب او تكشر في وجهها، حط عينك في عينها، اتكلم بحزم، لا تقولها في سياق الكلام "انا احبك وأعزك" ومن الكلام هذا ترا راح يكبر راسها وتفهم انك لسة متمسك فيها وما راح تسمع كلامك وتستمر على إلى كانت فيه،، ولا تقولها أبدأ "أنا رجعتك علشان ولدنا " زوجتك لو قلتلها كدا راح تفهم انك متمسك في ولدك ومستحيييل ترجع تطلقها علشانه وبالتالي ما راح تتعدل وتتحسن وراح تبقي زي ما هي ..

وانا أنصح أنك تفرض عليها الستة النقاط التالية ::
1/ احرمها مؤقتاً سنة كاملة من أهلها ،، لا زيارة لهم في بيتهم ولا هما يجوها في بيتكم ،، ولو جوا من وراك لا تفتح لهم الباب ،، وحتى لا تخليها تكلمهم بالتلفون إلا مرة وحدة في الشهر والمكالمة ما تتعدى عشرة دقائق علشان تتطمن على صحتهم وسلامتهم وبسسس وانت لازم تخليك تسمع كل كلمة هما يقولوها ،، وفي السنة تقدر تشوف اهلها مرررتين ولساعات معدودة بس، مرة في عيد الاضحى ومرة ثانية في عيد الفطر

وكفاية عليهم >> المم انك تقلل من فرص اهل زوجتك بالعبث في راسها ..

2/ أهلها لما تكلمهم مهم لا يعرفوا عنك او عن حياتكم شئ ، فين خرجتوا ؟؟ ايش اشتريتوا ؟؟ ايش اكلتوا ؟؟! ، وإذا سألوها على شئ تقول لهم "ما أدري" ، او "خليها على ربكم" ، أو أي رد فيه تصريف لأسألتهم ..

3/ خلي زوجتك تقول لأهلها دايما لما تكلمهم في التلفون : " والله زوجي مبهدلني لكني أيش اسوي خليني مستحملته، علشان ولدي لا يعيش بدون أب وكمان اكسب أجر فيه "

>> الهدف من العبارة انو انتو الاثنين تفتكوا من شر امها واهلها ،، راح تقولي كيف ؟؟ أنا اقولك امها لما تسمع العبارة هاذي كثير على لسان بنتها راح تقول "" بنتي متبهدلة زي انا بأقول ، المهاجر مهو رجال زي ما أنا بأعتقد، وكلامي عنه كان صحيح "" << راح ترتاح وما تحطك في راسها وتعاندك امها كثيير ...

4/ خليها تشغل وقتها في قراءة كتاب مفيد ، او تتفرج على برامج وثائقية

، او اي شئ مفيييييد .. المهم انها تشغل نفسها عن القيل والقال والمشاكل ..

5/ اذا هي تحب الدراسة، خليها تكمل دراسة، خلي حيلها ينهددد بالدراسة ونظافة البيت وتربية الولد، ومع هذا كله ما راح تلاقي وقت للنكد وتنسى اهلها وما تفكر فيهم كثير مع التعب ..

6/ خليها تكتب في ورقة مزايا انك زوجها ،، وخلي الورقة معاها ولا توريك هي ،، لكن كل ما صارت مشكلة وبدأت تعاند خليها تقرأ الورقة وتفكر نفسها بالاشياء إلي راح تخسرها لو انك رجعت طلقتها..

إذا عندك شروط ثانية قولها هي لكن نصيحة اتفق معاها على المهم فقط، اتتركك من الاشياء الثانوية حالياً ..

والله يعينك وويوفقك يارب وأهم شئ صلي صلاة أستخااارة نحن ما نعرف فين الخير مكتوب لنا ..

التعديل الأخير تم بواسطة Lujain.m ; 12-07-2012 الساعة 06:23 AM