وليش تقعدو 6 سنين؟
الدكتوراه تاخذ كم سنه منك؟؟

اسمعي روح الطير حبيبتي هذي ثاني مره اقولك اياها لاني من قبل قلتلك هذا الكلام

زوجك لا يضيع وقته بدورات وخرابيط خليه يلتزم وياخذ البكالوريوس وشدي عليه من ناحية الدراسه وساعديه وضعه في بريطانيا كان غير مفيد والدليل انكم رجعتو السعوديه وشهر يشتغل وعشره لا وبالاخير راتب 3 الاف ريال!! روحة بريطانيا معاكي ما فادته بولا شيء ..
ترى الدورات على شهادة ثانويه عامه ما تاكل عيش حتى لو جايبها من البيت الابيض
لا تخليه يعيد نفس الغلطه ولا ترى بكره حترجعو من امريكا وحتصيري انتي رجل البيت انتي اللي تصرفي وبس لانه فعلا حيكون كل شيء قفل بوجهه ( كبير على الوظايف / مافي خبرة وظيفيه بسبب السفر وتضييع سنوات من عمره فيها من دون فايده/ واذا لقى شغل مارح تكون اعلى من راتب 3 الاف ريال )

انا رايي انه الان على طول يكمل بكالريوس وبس يخلص هو بكالريوس وانتي دكتوراه ترجعو على السعوديه فورا ويدورله وظيفه كويسه ان شاء الله ومن بعدها يقدم باي جامعه سعوديه على ماجستير موازي يصير يدرس ماجستير ويشتغل بنفس الوقت (هذا اذا كان طموحه فعلا عالي على تكملة الماجستير )
فخلي الان تركيزك على البكالريوس وبس

وانا انصح تروحو امريكا الدراسه اسهل بكثيييير من غيرها وانتي حتلاحظي الفرق بينها وبين بريطانيا وهذا اللي تبحثي عنه انتي الان عشان ما تصير الدراسه صعبه على زوجك ويمل ويترك ..
ادخلي على منتدى المبتعثين واقري وشوفي الجامعات السهله وحتعرفي الجامعات الصعبه والجامعات المعقده في امريكا وهكذا..


الله يوفقكم ..