انا مريت بهالموضوع وصراحه سبب مشاكل لي الله يعلم بها

وانا اشوف من وجهة نظري ان من اسباب الاندفاع قلة المعرفه والشاب مثل ماتفضلتوا اول مايجي طاري الخطبه تبدا عنده المشاعر تشتغل وبعد مايروحون اهله يشوفونها يكون مقدار الحب عنده 5 بالميه واذا عجبتهم صار 15 وبعد الشوفه
اذا عجبته طمر ل80 بالميه واذا ملك صار 99 بالميه وتخيلي الفتره هاذي كلها جالس يبني اشياء بمخيلته غريبه عجيبه
فتجي البنت مستحيه وهو مايصدق يبي يطلع اللي بقلبه تجاهها واذا ماحصل تفاعل منها يبدا يوسوس ويقول ماتحبني ويقعد يسوي مشاكل وتكرهه

والحل انا اشوف توعية الاهل للتعامل مع الزوجه من اول يوم يطرون الخطبه فيه وقليل مانحصل اهل واعين كفايه عشان يعلمونه (طبعا احنا يالشباب كل شي نعرفه الا كلمة مااعرف )

وحاجه مهمه اللي هي دورات المقبلين على الزواج اتمنى صراحه تصير دوره هنا في المنتدى ونستفيد

اشكرك على طرحك الرائع