المشاركة الأصلية كتبت بواسطة روح الطير

عزيزتي ..

راح أعلق على جملة ( إنت الله يستر منك )

لإنها هذه كانوا دايما أهلي يقولوها لي و لدرجة شككوني في حالي ؟
للدرجة هذه أنا سيئة ؟

.
.

طنشيهم .. و خليك واثقة من نفسك ..

.
.

تخيلي ، كانت أمي الله يرحمها تقول ( كنت أقول بداخلي بنتي هذه يا يتزوجها واحد كبير في العمر مرة ، أو معدد )
لإنه ماحد يتحملها ..

و أخوي ليلة زواجي قال لأمي ( زوجها طلع داهية من جد، مادري كيف خلاها تقتنع به و تتزوج .. هو اللي عرف لها )

.
.

مع إنه زميلاتي كانوا يقولوا ، يا بخت اللي ياخدك

.
.

المهم ..

إنه زوجي الحمد لله ، أكثر شخص مبسوط و مدلع اخر دلع بين أخواني و أزواج أخواتي و أخوانه ..
لدرجة إنه كروشته ماشاء الله وصلت مترين

.
.

لا تفكري بكلامهم ، مرات الأهل كذا يبالغوا و يحبوا يرموا تعليقات ما يقصدوها .. ^_^
بس إنت لإنك قلقانة ، فكل كلمة تأثر فيك ..

.
.

بالنسبة للتجربة الأولى ..

البقية أكيد بينفعوك أكثر مني .. ^_^
و انبسطي و عيشي حياتك ..

لكن تخيلي الأول ( مات خلاص ) .. و اعتبري حالك داخلة مرحلة جديدة من حياتك