ثقي بالله وأن ماحصل لك هو قضاء وقدر .. انتبهي تخلين كلمت (لو- ياليت )على لسانك لانها تفتح عمل الشيطان .. وتذكري (خُلق الإنسان في كبد).. الحياة مليئة بالمشاكل بس لو نجلس نبحث ونفكر فيها كان ماعشنا .. لازم تحطين لك مجموعة من الأهداف كنتي تتمنين تحققينها وغيري روتين حياتك بشكل نهائي..
اولها:
1) ضعي لك وقت للذكر وقراءة القرآن واستقطعي وقت لقرآءة الرقية الشرعية يمكن اللي صار لك بسبب حسد او سحر او عين لان بعضهم يكونوا غير اجتماعيين من هالسبب ولكن لا تضعي انه ممكن يكون فيك شيء من المذكور ولكن توكلي على الله .
2) غيري من نفسك ..قصي شعرك ..غيري تسريحة شعرك المعتادة .. تعلمي فنون المكياج الحديثة عشان تغيري من اللوك المعروف وملابس البيت كذلك اختاري الوان فاتحة وبجايم جديده علشان اذا احد شافك من العائلة يشاهد الفرق وراح تحسين نفسك في تجدد .
3) اذا ممكن تغيير الوان الفراش واختاري الوان زاهية ومليئة بالورود.
4) سجلي بنادي رياضي عشان الجو الاجتماعي والاختلاط بالناس يساعدك بالخروج من الهموم والضيق الداخلي.
5) اهتمي بعمل خيري .. مثل الصدقة لو بريال واحد بنية الخروج من الضيق والهم .. مساعدة الأهل بالمنزل وتغيير ترتيب المنزل .
6) اهتمي بمواهبك المدفونة ولا تستصغريها حتى لو كانت بسيطة.
7) حاولي بالتقدم الى عمل يناسب امكانياتك العلمية .
8) فرغي همومك بورقة او دفتر خاص .. اكتبي خواطر ..اشعار..


والله يعوضك خير .. ولا تنسين ان ربك موجود بثي همومك له لأنه مافي احد يقدر يساعدك ويسمع لك ويشفق عليك ويرحم حالك الاّ الرحمن الرحيم

والله يفرج همك