رد : ليش ما يتزوجون الخدامة ؟؟؟
فتاة فاشلة انا لا امانع وجود الشغاله ولا اعارضها ومثل مافيه هناك فئات ما يحبون الشغالات تدخل بيوتهم كمان فيه هناك فئات بالغصب تحتاجها وبسبب ظروفهم الواحد يضطر يجيب له شغاله ولا ترى اكثر الناس ماتحب الشغالات لاكن بسبب الظروف يجيبونهم ولا ما الشغالات مصايبهم وكوارثهم كثيرة وآخر خبر امس بالحدود الشمالية عاملة نحرت ولد كفيلها بالسكين عمرة ماكمل اربع سنوات طيب وش سوى لها هالطفل لاكن هم كذا الشغالات البعض منهم قلوبهم حقودة ومجرد اي خلاف مع العائلة تقوم تنتقم من الأطفال
طبعا اناعن نفسي ما افضلها في بيتي والحمدالله ماعمري دخلت بيتي شغاله ولا بيت اهلي ولا إخواني بالرغم من الكم الهائل من الأطفال ماشاء الله تبارك الله اللي عند إخواني وعندي يعني انا اقلهم الحين عندي 5اطفال اكبرهم توه داخل 15 سنة واصغرهم توها داخلة 5سنوات الصراحة الحمل والوالدة تعب والتربية اتعب واتعب منها تمر فترات الطفوله بمراحل واصعبها لما الطفل يبتدي عنده التسنين ولما يبتدي يحبو ويمشي يزيدالتعب والشقاء على الأم يالله تجي نفسي اشتاق للأطفال الصغيرين بس لما اتذكر مراحل تعبهم نفسي تنسده عن الحمل والولادة والحمدالله ان بنتي كبرت وصارت ماعاد تحتاجني إلافي اشياء بسيطة طبعا مرت علية فترات تعبت فيها بحملي وكانت تتطلب مني الراحة على السرير لمدة ثلاثة اشهر وعرض علية زوجي يجيب لي شغاله بس انا رفضت وقلت ما ابغى اي شخص يكون في بيتي غريب والحمدالله زوجي مايقصر ابد اولادي كلهم جبتهم وانا بعيدة عن اهلي وعن اهله وكنت اروح اولد بالمستشفى وزوجي بالبيت عند الأطفال وبعضهم جبتهم ورى بعض والله ان الأول والثاني ما بينهم فرق إلا 11 شهر فقط وكمان الأول تأخر في المشي جلس حدود سنة 6شهور مايمشي كان عنده بطء في المشي تخيلي جلست بعد ماجبت الثاني 7 شهور كلهم مايمشون كانوا مثل التوائم والمشكلة انه كل واحد فيهم يحتاج اهتمام خاص فيه ورعاية خاصة كان الطفل الأول يمتحن المولود الجديد امتحان الله لايوريك كانةيغار منه بشكل فضيع ولو شافني ارضع في اخوه يجي يمسكه من رجوله ويسحبه وان مانفع يقوم يجلس عليه ويقول شيليني انا ابغى انام والحمدالله ايام وعدت على خير وكبروا وصاروا الحين رجاجيل وكمان لما يكون هناك تعاون بين الزوجين وغض الطرف عن بعض التقصير يعني لما الزوج يشوف فيه تقصير من زوجته في اي شئ وهو يدري ويعلم بظروفها هذا يساعد الزوجة ومايحملها فوق طاقتها لاكن لما الزوج يكون متطلب ويبغاها مثل الآله ومايبغى منها اي تقصير صراحة هنا الزوجة في هذا الوضع تحتاج لعاملة علشان تساعدها لاكن لماالزوج يساعد زوجته ويوقف معاها ويتغاضى عن تقصيرها اللي هو عارف انه نتج عن ظروفها اللي هي تمر فيها بإذن الله ماراح تحتاج هاذي الزوجة للعاملة مثلا انا لما كنت حامل كان زوجي يأجل إجازته لوقت ولادتي علشان يجلس عند الأطفال في البيت ويقوم بخدمتهم وكمان لما انا اطلع من المستشفى يكون هو متواجد بالبيت على طول وبصراحة الله يحفظه ويخليه والله مايقصر يمكن حتى لو انا عند اهلي ماراح احد يخدمني ويرعاني كثر رعايته وخدمته حتى اخلص الأربعين عقبها نتساعد انا وهو بالرغم من إن عمله متعب لاكن لو شاف تقصير مني في شئ ماعمره انتقدني او تكلم اوقال ليش كذا وكذا بالعكس هو بنفسه يبادر ويعالج القصور اللي حاصل ويهون عليه المشقة والتعب بكلامه دائما يردد معليش اصبري واحتسبي بكرة اولادنا بيكبرون وننسى كل هالتعب وهاذي مراحل لابد من انه كل الأسر تمر فيها وماعليك اللي تقدرين تسوينه سويه واللي ماتقدري مو ضروري ترهقين نفسك وتتعبينها خلاص اتركيه
طبعا لما يكون هناك ازواج متفهمين للوضع ويقدمون المساعدة ومايتكلفون ولا يطلبون كل شئ يكون كامل اكيد الزوجة ماراح تحتاج للعاملة اما انه الواحد يحط زوجته تحت ضغط شديد ويطلب منها انها تكون كاملة من كل النواحي صراحة هذا فيه ظلم لزوجة لأنها هي انسانه ولها طاقات محدودة ويلزمها من تساعدها في البيت وهي تتفرغ لخدمة زوجها واطفالها
طبعا تختلف الأمور بإختلاف الظروف واللي ينطبق عليك ماينطبق على غيرك بهذا الخصوص هناك زوجات عندها كم هائل من الأطفال وبيتها كبير وبعضهم عندها اهل زوجها وكمان بعضهم تنجب توائم ويكونون عندها اطفال صغار غيرهم وهما بحاجة للإهتمام والرعاية من تغير بامبرز واكل ولبس وخلافة غير البكاء والمغص اللي مايجي معظم الأطفال إلاآخر اليل حتى الجيران ماينامون من صياح الطفل فما بالك بتلك بألأم اللي ينهكها السهر والتعب مع اطفالها وفيه من اطفالها من يحتاج انها تذاكر له او تراجع معاه وفيه منهم من يمرض ويحتاج رعاية خاصة هذا غير احتياجات الزوج والبيت من خدمات وإلا مالتواصل الإجتماعي بيكون آخر اهتماماتها إن إن سنحت لها الفرصة وانا وحدة من اللي مقصرة بالتواصل الإجتماعي طبعا التواصل المباشر اقصد اما عبر الإتصالات الحمدالله نتواصل وبعضهم يوميا لاكن الطلعات والتمشيات هاذي ايام الخميس والجمعة نطلع طبعا فيه زيارات لازم تكون ضرورية ومتحتمه علينا مثل زيارة المريض والعزاء واللي تولد تجيب مولود هاذي طبعا لابد من زيارتها لتأدية الواجب اما الأفراح طبعا ما احضر منها إلا اللي اشوفه يتوافق مع رغبتي اروح واحضرها اما اللي خلاف ذلك اعتذر عن الحضور
طبعا فيه اسر يكون عندها ذو إحتياجات خاصة ويكونون بحاجة للعاملة
طبعا نصيحتي للأسر اللي اضطرت وجابت في بيتها عاملة انها تنتبه من العاملة ولا تسلمها الخيط والمخيط ومتى ما استطاعت ان تتخلى عن العاملة فيكون افضل لها ولأسرتها .
هذا وشكرا على الموضوع الطيب يافتاة .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 16-07-2012 الساعة 09:42 AM