رد : مواقف في الطفوله ....اثرت فيك ...وتريد ان تجنب اطفاللك ...تكرار التجرب
اقتباس:
المشاركة الأصلية كتبت بواسطة رجل اهبل
ماكوووو فكه ........ابي نكته ...................
امس ولد اخي الصغير يقول لي ....تدري ليه العنــــــزه لما تقووول ماااااااااء تغمض عنيها ......قلت لا مدري
قال عشانها متحفظتها غيب ....................ههههههههههههههههه
يالله هاتي نكته ..........زوالا قم بالله اشهر بك بين كل المنتدى انك تقولي نكت .............وانا اهبل بيصدقوني
|
نكتة مرة وحده عاد .. والله المخ مصفر عصرته و تذكرت موقف قريب صار و ضحكو علي فيه
بداية طلاقي .. كنت ابكي و زعلانة كثير عشان أولادي مو معي و كنت احس ان حياتي مالها داعي
ايامها كنت توي بادية ادرس بتحفيظ قرآن ومحاضرات و ندوات و أنشطة دينيه كثير
وحب الخير والتضحية كانت عندي فل .. الزبدة بيوم من الايام الهندي جاب جريدة عكاظ للبيت
عادتي ماني حريصة على قراءة الصحف , بس لقافة ذاك اليوم قريتها و لقيت بآخر صفحة
موضوع عن أم عبدالله تدور متبرع لها عشان كليتها مريضة و أطفالها أيتام , هنا تساقطت الدموع
معلنة حزنها على أم عبدالله و جلست أفكر بيني وبين نفسي :أم عبدالله تحب أطفالها و هم أيتام
لو ماتت بيضيعون من بعدها .. و أنا عايشة بدون أطفالي أعطيها كليتي وآخذ أجر أطفالها
وانا لو مت , محد بيزعل علي كثير . لاني كذا كذا ما عندي أطفالي
جلست أفكر كيف أقنع أهلي بالموضوع هذا .. قلت لأمي وانا ابكي يمه تشوفين هاذي اللي بالجريدة
قصتها كذا كذا وانا نويت اعطيها كليتي و بأعيش بكلية وحده ايش رأيك
أمي شافتني أصيح حافظت على هدوءها و قالت خلاص إذا جاء أبوكي شاوريه > ما فحالها تاخذ وتعطي معي
كلمت اختي بالتلفون قلت لها السالفة , ضحكت و قالت كثرت مشاريعك الخيرية على حساب نفسك
شفت ما عندها سالفة وماخذة الموضوع تريقة , قلت خليني اكلم ابوي بنفسي
جاء ابوي من العمل بعد الغدا جلس على الكمبيوتر في غرفته .. دخلت بكل براءة
يبه بكلمك في موضوع إنساني : خير يا بنتي .. قلت خذ الجريده شوف قصة أم عبدالله
قراها قال الله يشفيها ..قلت يبه انا نويت اتبرع لها
رده فعله سريعة و غير عادية > تفل بوجهي و طردني من الغرفة
رحت غرفتي أصيييح .. حسيته ما عطاني مجال اشرح له بس بعدين بلعتها
هذا الموقف له ثلاث سنوات ..> ايش اللي ففكرني فيه
قبل فترة كنا مجتمعين مع الاقارب و كانو يعلقون على اللي يتبرعون بأجزاء جسمهم
وكانو يتناولو الموضوع بسخرية كبيرة و اخواتي يناظروني بضحك > إنو هاه نقول سالفتك
و انا أأشر بعيوني اصه اصه
ولما رجعنا للبيت .. أنواع التعليقات .. اللي جيعانه تبي رجلي تشويها واللي تبي كبدتي تقلقلها
واللي بتفصفص عظامي .. و هكذا > مزحهم أهبل
الحين أجزم بعد قرائتهم لما كتبته هنا بينشرون سالفتي > ما عندهم صنعه غيري
