آخر نقطتين

النقطه الاولى
- "ثم ان البنت اللي أتكلم أقسم بالله بيجيلها يوم تنكشف لأن من خلق الله الكون وهو مايوفق عمل الشيطان أبداً !! وأبشرك الرجال اليوم صاروا يعرفون أخلاق البنات اللي من هالنوعية بسرعة!!"

أنت اقسمت بالله اني راح انكشف
طيب انا تبت وناويه اتغير وادفن كل شيء وراي
وانا واثقه برحمة الله وانه يستر عباده ويغفر لهم
والحمدلله الحمدلله ربي ستر علي كل هالفتره الطويله
على حسب كلامك حتى لو تبت وصدقت النيه وعزمت التغيير بعد راح انفضح ؟؟
طيب كذا انا بيأس من رحمة الله وانه يغفر لي ويخليني ارجع خطوات للخلف
انا ما اقول من كلامي اني راح ايأس .. لكن هذا التفكير ملازم لي وانت اقسمت
معقوله اذا ربي ستر علي كل الفتره اللي طافت .. لما اتغير واصير احسن بيفضحني
لا .. ما تصير

وبعدين مثل ما قلت لك -وبتكلم عن حالتي بس- انا صحيح كلمت لكني ما ارسلت صور ولا بيانات ولا معلومات ولا فيديو ولا حتى طلعت
وماعنده غير معلومات بسيطه عني مثل دراستي وبعض الظروف لكنه ما يعرف سكني ولا اهلي ولا غيرها من المعلومات الشخصيه
ويمكن الحين صار لي سنه ما كلمت وطول السنه هذي ما شفت منه شيء ولا حاول يواصلني ولا يتكلم معي
والحمدلله .. ربي ما بلاني بشخص يركض وراي او يهددني او يحاسبني
وعشان اكون صريحه معك .. انا كنت ارجع له وهو يرفض الا بشروط (اللي هي الصوره)
عشان كذا ما رجعت له .. وبعدها انا تبت
ممكن يفضحني او يهددني بعد هالسنه ؟؟ وهو الحمدلله ربي بعده عني وصرف عني شره ؟

سالفة ان الرجال صاروا يعرفون هالنوعيات .. هو شخص واحد اللي كنت اكلمه طول الوقت
وما يعرف عني شيء الا اللي عطيته ..
كيف راح يعرفون نوعيتي ؟

النقطه الثانيه
موضوع الرد اللي اقتبسته في مشاركتي قبل الاخيره
والدعاوي الحلوه اللي حصلتها في ذاك الرد : )
الموضوع مو لعبه ولا شيء هين .. وادري برقبتي شرفي وشرف اهلي
وانا ضيعته واحاول اصلحه
لكني في النهايه بنت .. عرفت غلطتي وتبت منها واحاول اتجاوزها
واكيد حالي حال اي بنت تفكر بالارتباط وتكوين اسره وحياة مستقره وتعويض لعواطفي ومشاعري
لو مثلا بالمستقبل رب العالمين اكرمني وتقدم لي شخص
انا فسرت كلامك عن الغش بعدة امور جات ببالي
- اولها ان ما راح يتقدم لي شخص زين لاني مو زينه والخبيثون للخبيثات
- مثلا لو لو تقدم لي شخص محترم وزين وكل مواصفاته طيبه فأنا قدام حلين
الاول اني ارفضه لاني ما استحق شخص زين
والثاني اني اقبل فيه وبحس طول عمري اني ما استحق واذا قبلت فيه
يا اني اخبره بماضيي اللي تخلصت منه من فتره وربي تاب علي وستر علي واقوم افضح نفسي بنفسي وطبعا ماراح يرضى على نفسه وبيتركني او اكون تحت رحمته
او اني ما اخبره واكون بنظرك غشاشه وتدعي علي وعلى امثالي
وفي الحالتين انا بظل خسرانه
أو انتظر لين يتقدم لي شخص سيء مثل حالتي واقبل فيه على طول لاني ما راح احصل شخص زين يرضى فيني
اتمنى توضح لي اذا انا فهمت كلامك غلط ؟

يعني انت الحين من وجهة نظرك لو تقدم لي شخص اخبره بماضيي وافضح نفسي واخرب حياتي ؟
عشان ما اصير خاينه وغشاشه ووو .. حتى لو ربي ستر علي وانا ابتعدت
او اني من الاصل لازم ما افكر بالزواج او بفكرة ان احد راح يتقدم لي حالي حال غيري
اذا كذا معناها انا ما تجاوزت شيء ولا انجزت أي شيء بحياتي ؟!!

هذي كل نقاطي اتمنى تجاوبني عليها وتناقشني فيها
وشكرا لحسن استماعك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين