المشاركة الأصلية كتبت بواسطة Neat man

كلهن

السنعة والكتكوتة ممكن تصير في بنت وحدة.

المشاركة الأصلية كتبت بواسطة الدانه26

الرجال اكيييييييييييد يفضلون الكتكوته اكيد

والا ما تزوج علئ السنعه وحده كتكوته اول ما ذبلت من الكرف

المشاركة الأصلية كتبت بواسطة أصيله 3

ايوه ممكن تصير في بنت واحده في حالة انها الحالها بدون اطفال

لكن بوجود الاطفال مستحييييييييل مستحييييييل تجتمع
الاطفال الحالهم جهاااااد وكفااااح الله يأجرنا

المشاركة الأصلية كتبت بواسطة المهاجر2012

الاعتدال في كل شي
.... يعني وش أبي فيها اذا هي تتابع صرخات الموضه والشياكه وتعطير البيت وما تعرف المطبخ
...... أو تكون طباخه ومهمله نفسها وبيتها
الجمع بين الثنتين بالمعقول بدون مبالغه
للأسف بعض الحريم تعتقد انها اذا عطرت البيت وماشم ريحة الزفرأو اذا اشبعت بطنه من الماكولات بتملكه وتجلس تنتظر ردااات الفعل منه
أعتدلوا في كل الامور بالقدر المعقول وتبعلوا وراعوا النفسيه خصوصا وقت الازمات الأسهم طايحه متهاوش في العمل لا تحاسبيه على شي
... أحيانا نحتاج الجلوس مع النفس خصوصا اذا فيه شي حاصل ما نبي احد ولا نبي نتكلم في هذه الحاله ضعي بريق الشاهي وانصرفي لمدة ساعه..
كذا ستنعمون بحياة جميله...

المشاركة الأصلية كتبت بواسطة هل ترانا نلتقي

يابعدي أنتي شوفي الرجال بعضهم مالهم خاتمه ولائبين بعيونهم شيء
ومالهم حل إلا الوحدة تعاملهم بما يرضى الله ؛ ولاتكلف نفسها فوق طاقتها.
موضوعك سبحان جاء بوقته " تراني أتكلم من واقع تجربه وبما انه أبوي العزيز معدد
بقولك إلي شايفته و إن شاءالله إني مااظلم أحد.
ثنتين منهن ماشاءالله نظافه وطبخ وسنعات وفوقه جميلات ؛
وثنتين الله لايبلانا لاطبخ ولا نظافه وفوقه طولت لسان ولا احترام حتى أكله ووضيوفه يحطنه
بلاستيك !!
وماهو شايف إلا الشينات مدري يبي يسلم من لسانهن ولا حب أما إذا كان يحبهن (مع احترامي للوالد أشوفه ماعنده ذوق ).

خلاصة كلامي لاتصدقينهم يوم يقول ودي بسنعه ولاكتكوته ، ماينعرف لهم.
عني صراحه أخذت درس أعامله بما يرضي الله ولا أعطيه أكبر من حجمه ولا أتركه محور اهتمامي.

المشاركة الأصلية كتبت بواسطة مدن السلام

الغالية توفي

رجعت لموضوعك بقول شي

عن نفسي .. مهما شفت الرجال يمدحون
ويقدرون البنت السنعة .. ما يثير هالشي حماسي
ولا يحسسني بالنقص ابدا .. ! لعدة اسباب

اولها .. شخصيا ما حب الطبخ كثير
بمعنى مهو من الامور الي تستهويني
غير انه مرهق ومتعب لانه يومي ! فليش اكلف
نفسي فوق طاقتها خصوصا لو عندي اطفال ..
لذلك ماراح اجبر نفسي احب شي بالاصل
انا ما اتقبله بس عشان ارضي زوجي !

ثانيا .. عندي قناعة بان الرجل الي يركز
كثير على الطبخ وامور المنزل اما انه رجل سطحي
او انه رجل يطلب الكمال .. فليش المفروض اجاريه !
ايماني عميق بان الحياة الزوجية ليست سجن مسؤوليات
عشان الواحد يجلس يتشرط ويتطلب
الحياة الزوجية سكن واستقرار .. كيف يتحقق الاستقرار
اذا كان احد الطرفين على الاقل مرهق ويتحمل فوق
طاقته ؟

ثالثا .. لو سلمنا جدلا بان الطبخ
مهم بهالقدر بحيث لايخل به ابدا !!
فاذن ترفيه الزوجة عن نفسها هو مهم بنفس القدر
الزوجة الي قايمة بمطبخها وبيتها على اكمل وجه
تستحق بكل تاكيد الترفيه عن نفسها بالشكل الي هي تحبه
اما من خلال الاجتماع بمن تحب او بالخروج للنزهة لمكان هي تحبه
او السفر نهاية السنة لمكان هي تحبه .. السؤال هو :
من رؤويتنا لواقع الحياة من خلال هالمنتدى .. هل نرى
دائما الزوجة تحصل على ماتريد بالنهاية مقابل تعبها
واجتهادها في خدمة زوجها ؟ يعني هل تحصل المراة
في النهاية على سفرة جميلة نهاية السنة ؟
هل تخرج اسبوعيا الى المكان الي تحبه بدون ازعاج ومنه ؟
اتصور تعرفين الاجابة توفي ..

بالاخير ارجع واقول اني ماحس بكوني ناقصة
بس عشاني ماحب اطبخ كثير ! لان قيمة الزوجة
ولله الحمد لا تختزل بمطبخ ! قيمتي كزوجة
هي في مستوى تعاملي واخلاقياتي ونظافتي
من الداخل والخارج .. راحتي ماحس بالذنب لمن ادورها
وليش احس بالذنب ؟ بالعكس اذا صرت مرتاحة
نفسيا اعطي اكثر واتقبل اكثر ..