رد : تقريري المصغر المصور لرحلتي إلى ألمانيا والنمسا ..
اقتباس:
المشاركة الأصلية كتبت بواسطة المتفائل بالله
السلام عليكم ورحمة الله تعالى وبركاته
الله يهنيكم يارب العالمين ويزيدكم من فضلة ، ماشاءالله لاقوة إلا بالله ، بجد روعة وإستانست بالمشاهدة.
بس اختي كم فرد انتم ؟ وكم كلفت عليكم الرحلة ؟؟ من غير التذاكر طبعاً!!
ومتعاملين مع مكاتب خدمية سياحية وإلا لا ؟؟ يعني معاكم مترجمة ؟؟
لأن إن شاء الله بعد العيد بطلع بلجيكا مع زوجتي نعالج ، وبستقل الفترة هاذي وبنطلع نشوف اوروبا!!
|
وعليكم السلام ورحمة الله ..
كنا أنا وأمي وأبوي وأختي وبناتي ثنتين صغار ,,
بصراحة أنا توقعتها غالية .. وكنت خايفة تقصرني الفلوس هناك .. لكن سبحان الله مع إني ماخليت شي بخاطري إلا أني رجعت ومعاي نصف المبلغ اللي حطيته للسفر ..
يمكن لأني مارحت للتسوق .. ومثل ماتشوف أغلب سفرتي كانت سياحة والقيام بالأنشطة .. بس أخر يوم تسوقت لوازم العيد .. قلت خلني ألبس بناتي ستايل أوروبي هالعيد .. 
التسوق مكلف شوي في النمسا لأن اسعارهم غالية .. بس أنا تسوقت في ميونخ .. وسوق ميونخ كله تخفيضات .. لكن شالفايدة ؟؟ محلاتهم مثل محلاتنا .. يعني أتوقع أغلب بضاعتهم بتلاقيها عندنا .. لكن من باب توسعة الخاطر .. :14:
هناك أغلبهم يتكلمون شوي انجليزي .. أنا استغربت إن انجليزيتي أفضل منهم .. فيه بعضهم مايفهمون .. كلمتهم بالإشارة هههههه .. المهم مشي الحال ..
بصراحة ما أعرف تكلفة الفنادق لأن الوالد الله يحفظه دفع 
.. بس مصروفي أنا وعيالي والأكل والمشتريات وتكاليف الأنشطة يمكن كلفتني 14000 .. أمي وأبوي واختي لحالهم مالي شغل في صرفيتهم .. بس أتوقع صرفهم مقارب لصرفي ..
ربي يحفظكم ويطمنكم ويردكم بالسلامة .. وإن شاء الله ماعليكم شر ..