رد : هل تصرفي كان صحيح ام خاطئ
الله يبارك في عمرك يا ام يوسف وعقبال يوسف واخته ان شاء الله وانا ان شاء الله بتبع نفس الكلام اللي قلتي عليه واكيد ماراح يصير شئ رسمي إلا لما الولد يخلص الثانوية بعدين بنتقدم لها نخطبها رسمي بالنسبة للي حجز بنت عمه وسافر وبعدين رجع خطبها الله يهنيه هو وياها احنا كمان في عائلتنا لنا علامة تجارية تميزنا بهذا الخصوص ننحجز البنت من اول ماتطلع على الدنيا فلانه لولد عمها واكثر العائلة متزوجين بهاذي الطريقة خلاص مجرد ماتطلع البنت من بطن امها يحطون على راسها عبارة محجوزة فلانه لفلان الا ان قدر الله واحدهم مات بس للحين الحمدالله مافيه احد خلى تركته لغيره يكبرون وينخطبون ويتزوجون انا كنت محجوزة لزوجي من وكنت صغيرة وعلشان اني انا اكبر بنت في بنات عمه فطبعا وقع الإختيار علية وراح سافر وتوظف وتغرب فترة ماهي بسيطة وعقبها جاء من السفر وانا تقريبا عمري 14 سنة وهو عمره 27 تقريبا فالوالد الله يرحمه وعمي قرروا انا نتزوج وخلاص اتفقوا على كل شئ وانتهوا طبعا كانت امي وام زوجي طيبات اي كلام يقولونه لهم ابويه وعمي يمشي يعني يمشي مايخالفونهم ابد وتم الزواج والحمدالله اشوف كل الزواجات نجحت اللي في عائلتنا بهاذي الطريقة وعايشين مبسوطين ومرتاحين طبعا اؤكد ان البنت او الولد لو رفض هذا الإرتباط ما فيه احد يغصبهم او يجبرهم على شئ كل واحد يتزوج باختياره يعني الزواج مو بالإجبار ولا كنه يتم بالتراضي لاكن انا الحين بكسر القاعدة هاذي وبخالفهم ومافيه عندنا حجوزات مبكرة مرة سمعت ام زوجي تقول ان شاء الله بناتك بكرة يكبرون وفلانه ياخذها فلان وفلانه ياخذها اخوه الثاني تقصد عيال بنتها وكمان هما عيال اخوية تبغى تحجز بناتي لعيال عمتهم لأن عمهم للحين ماالله رزقه عيال طبعا الأقربون اولى بالمعروف ومافيه اقرب من اخت زوجي اللي هي بنتها وكمان تبقى زوجة اخويه انا هنا قلت لها لا هذا الكلام مايصير الكلام هذا كان زمان اول يوم تزوجت ولدك واخوية تزوج بنتك لاكن هذا الوقت خلاص الغينا الحجوزات المبكرة ولا ابغى اربط بناتي بعيال بنتك كل واحد ياخذ نصيبة ولو الله عافاهم واصلحهم وتقدم لبنتي الرجل اللي يتسم بالدين والأخلاق ماراح ارده وراح ازوجها له لوهي راضية ومقتنعة فيه اما إني احجزها وهي يمكن تكبر وماتبغاه او ان الولد مايعجبنا با اخلاقه او ماعنده مستقبل صعبة اني اعطيه بنتي صراحة كل واحد هو حر في اولاده وبناته وانا سالفة الحجز والإرتباط للي هم قرايب وتوهم صغار في عمر الطفولة الصراحة ماحبيتها احس فيها شوية ظلم للبنت فرضا انها تكبر وهي تسمع فلانه لفلان وتعلق قلبها فيه وتحبه ويكون حلمها وكل شئ بالنسبة لها وفجأة يتركها ويغير رغبته ويتزوج غيرها البنت في هاذي الحالة راح تتحطم نفسيتها وتتعب والبنت هنا وش ذنبها تتحمل اخطاء غيرها
ونفس الشئ كمان للولد يمكن انه البنت ترفضه وتكسر بقلبه بس هنا الولد يقدر يبوح ويصرح باللي يتعبه لاكن البنت ماتقدر تقول شئ بهذا الخصوص
بالنسبة للأحفاد والله يا ام يوسف كلنا بنكبر ونصير جدات وتيتات
وهذا شئ اكيد واشوفه عادي راح الدور يجي علينا كلنا
وعادي يا ام يوسف مافيها شئ ولا راح ازعل منك انتي بالذات يا ام يوسف لك مكانه خاصه عندي الله يحفظك ويسلمك ومشكورة على ماخطته يمينك وبارك الله فيك .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 20-07-2012 الساعة 03:59 PM