رد : الاخوان الافاضل abo marym و khaled boss و مارد الجنوب و المتفائل بالل
وعليكم السلام ورحمة الله وبركاته
اخوي .. انا مو عارفه كيف اشكرك واوفيك حقك
يشهد الله ان كلماتك انحفرت بداخلي وعطتني اصرار وعزيمه اتخلص من الذنب
واتوب واثبت واتغير للاحسن وارمي كل شيء ورا ظهري
خصوصا قصة الصحابي خالد بن الوليد رضي الله عنه مع اني كنت اعرفها
لكنها هالمره لها طعم اخر واثرت فيني اكثر شيء
بإذن الله بقدر وهذا شهر رمضان عندي
صحيح بالبدايه بحس بصعوبه وهذا تأثير الذنب مثل ما قلت
لكني شوي شوي بعوض ان شاء الله
يكفيني الحين ان ربي اكرمني وعطاني النعمه وبلغني شهر رمضان عشان اقدر اعوض
واكيد بإذن الله بقدر
اقتباس:
المشاركة الأصلية كتبت بواسطة المتفائل بالله
النفس اللوامة اللي أقسم بها رب العالمين واللي هي في نفسك الآن تستاهل كل خير ، وتستاهل أننا نوقف معاها ونريحها ، وأنتي والله العظيم تستاهلين كل خير لأن قلبك مليان عفاف وشرف ، وهاذي بحد ذاتها تكفيني اني أحكم عليك أنك من العفيفات الشريفات إن شاء الله ، وانا متأكد أنج راح تنجحين وبتفوق بعد ، ويالله هذا رمضان جاي وبيكون لج خير إختبار ، ف نبي منك إمتياز مع مرتبة الشرف ، وأنتي قادرة بإذن الله على هالشي.
وأنا أقسم بالله العظيم ما أجامل ، وأني أكلمك وأنا أحملك كل الصدق في نصحي وإرشادي وفي وجهة نظري.
*الكلام اللي بالأحمر أحنا أتفقنا أنه من الشيطان ف ما أبي أسمعة منك نهائياً ، وكل مافكرتي كذا تأكدي أن الشيطان قريب منك ف تعوذي منه وتوضي وصلي ركعتين. تراني اخوك الكبير تحمليني إذا أمرتك ونهيتك ، أبي مصلحتك.
أنتي شريفة عفيفة والدليل قلبك اللي مليان عفة وشرف
|
أشكرررررررك من كل قلبي على هذا الكلام
وعلى ثقتك بإني راح اقدر انجح
والله العظيم فرحت وتفاءلت وتشجعت
وانا هالمره ناويه ومصممه اني انجح بإذن الله
والله ماعندي شك انك تبي مصلحتي وان كل كلامك ونصايحك
نابعه من خوفك وضميرك وهذا اللي خلاها تنحفر بداخلي وتأثر فيني وتدفعني للافضل
لك الحق حتى لو قسيت علي او لمتني من غير تردد لو حسيت اني احتاج قسوة او امر او نهي
اقتباس:
المشاركة الأصلية كتبت بواسطة المتفائل بالله
بالنسبة للنقاط العشرة اللي ذكرتها
لازم تمسكين المصحف وتقسمين بالله انك ماترجعين للدرب هذا ، وتصلين ركعتين وتناجين ربك بالسجود وتقسمين له أنك ماترجعين أبداً ، هالنقطة هاذي عندي مهمة جداً ، لأنها بتردعك كثير كل مافكر الشيطان يوسوسلك بالرجوع !! مع الإلتزام الكامل ب باقي النقاط.
|
أبشرك اخوي ..
انا سويت هذي الخطوه
كنت متردده بالبدايه اول ما قلت لي لاني ما كنت واثقه من نفسي ومن اني اقدر
لكن الحييين اقدر اقول وبكل ثقه اني اقدر
الحمدلله بليلة رمضان قدرت اخذ هالخطوه وبكل ثقه
صليت ركعتين واقسمت بالله في سجودي اني ببتعد عن هذا الطريق وما ارجع له نهائيا
وظلييييت ادعي وادعي لين حسيت بالراحه
واقسمت على المصحف بعد واخذت عهد على نفسي
والله يتقبل مني ياااااارب ويثبتني
الله يجزااااك كل خير اخوي
ومبارك عليييك الشهر .. والله يتقبل منك صيامك وقيامك وصالح اعمالك يارب
ويجعلك من العتقاء في هذا الشهر الفضيل