المشاركة الأصلية كتبت بواسطة مدن السلام

اخي المتفائل بالله حياك الله
كل عام وانت بخير وسلامة
وبلغك الله اجر الشهر يا رب

قصة صاحبك حصل فيها سوء اختيار وسوء تصرف
دفعه على حساب حياته وراحته ..

مهر 100 الف وزواج فندقي والخ هذا كلنا متفقين
انه اسراف وغير مناسب .. هذي النقطة اتصور منتهين منها

لكن .. شف الاشياء الي ذكرها صاحب الموضوع
مهر 40 وخمسين الف .. ! حتى هالمهر غالي !
ترى صعوبة ظروفنا ماتعني البنت تاكلها على راسها
وتتزوج وهي ماجهزت صح !
ان كان على الشقة فهي حقها شرعا !
السفر ايضا حق عرفي مقدور عليه ..

المتفائل ركز معي .. حتى البنات ينظرون لاي شخص
زي صاحب الموضوع نفس نظرته !
يعني انا مثلا اقول بيني وبين نفسي
اذا مهر يكفيني ما دفع
شقة مو حاط لا ولا مسفرني ولا يبي يدفع تكاليف زواج
اجل كيف بيعيشني بعدين !!
وفوق هذا يتوقع مني اكون زي
الخدامه انظف واطبخ واكنس ولا مراعي
اني بقوم بعياله !!استغلال بشع .

ومن حقي اخاف !! الي من البداية مستهتر
بحقوقي .. كيف يجي لي امان اتوقع منه
ما يستهتر فيني بعدين !!
سبحان الله استعداد الرجل لتكاليف الزواج بداية
بالمهر ونهاية بالسكن .. هي دليل تقديره لبنت الناس
كلن على حسب قدرته ..