رد : هل تصرفي كان صحيح ام خاطئ
اقتباس:
المشاركة الأصلية كتبت بواسطة عآشق الأروى
الحمد لله .. ان في امهات باقي زيك ...
يا شيخه اخطبيها وريحي ولدك .. ترا وربي احنا الشباب ماحد يحس فينا الي يقول علينا صغار والي طايشين
ترا في شباب عقولهم توزن بلد ... وفي شباب متربين صح ويعرفوآ الاصول وعقولهم كبيرهـ وفاهمين الحياهـ ...
ياليت كل ام تثق بقدرات ولدهـا وانه صار رجال .. مو انتي ربيتيه اكثر من 23 سنه مثلا ؟
اذا كنتي تثقي بتربيتك خلاص اعطيه مجال حريه واتركيه يخطط لحياته لانه شي من ابسط حقوقه كـ شاب ..
والله ماذبحنا الا انتم متهورين وصغار وطايشين .. الين ماصرنا فعلا صغار ومتهورين ولا احد يعتمد علينآ ..
سبحان الله لاحظت اي انسان من اصحابي عقله كبير وفاهم لمآ اقرب منه وافهم طبيعة حياته .. الاقـي ان والده
قريب منه ويعطيه فرصته بالحياه ويعطيه مجال للحريه وللتصرف ولاكن تحت نظر الوالد ..
ولي ولد خاله .. ماشاء الله عليه كل مايتعرف على شباب خربانين وفاسدين .. الاقيه ما يتأثر فيهم ابدأأ
.. وانآ اعرف ان امه مره قريبه منه وتحبه وتنصحه وكككل يوم تساعده في حياته وتدعيله كثير جدآ ..
سبحان الله الام والاب هم طريق النجاح للأولاد .. او هم بكل صراحه طريق الفشل والضياع
|
بارك الله فيك اخي الفاضل وهذا انا اللي بسويه بخطبها له ان شاء الله الحين كلمت امها وهيه بتكلم ابو البنت والبنت وبتصل عليهم خلال هاليومين ان شاء الله تعالى طبعا ابو البنت زميل و صديق لزوجي وكانوا الروح بالروح وتعرفنا على بعضنا من وحنى باقي ما انجبنا عيال وانا متفائلة خير ان شاء الله بالنسبة لإعطاء الثقة في الأبناء والله يا اخي الفاضل انا لا افضل ان اتحكم في تصرفات ابنائي ولا احب ان احجر عليهم وافرض عليهم إرادتي سوى انا او ابوهم وهذا مبدأنا في تربيتنا شئ اشوفه مضر له ولأخلاقه اول شئ اشرح لهم الأضرار واكلمهم ان هذا صح وهذا غلط ان اخذوا بكلامي وهذا هو اللي يصير دائما ولله الحمد طبعا ان رأيت منهم تجاوزات في شئ سبق ونبهتم عنه امنعهم منع باتا واضع عليهم عقوبات ترضي الكل
والحمدالله كل اولادي معطيتهم الثقة بأنفسهم وقدراتهم واراقبهم من بعيد لو رأيت ان فيه عليهم اي ملاحظات انبهم على ذلك والحمدالله هم من النوع اللي عاقلين وحتى لو شافوا غلط او خطأ في اللي حولهم من زملائهم او اصدقائهم ينصحونهم ولو فيه شئ استصعب عليهم يجون عندي ويسألوني كيف يتصرفون عقب ما استنفذوا كل حلولهم طبعا كلنا نعلم ان بالمدارس والشارع فيه نماذج من الرفقة غير صالحين بل مفسدين بشكل كبير انا الصراحة ما احب ان اولادي يجلسون بالشوارع مع اصدقائهم او عيال الجيران مو تحكم فيهم او عدم ثقة لاكن خوف عليهم لا يضيعون طبعا اسمح لهم يروحون لو احتجت شئ من برى يجيبونه لي ويروحون يصلون كل صلواتهم بالمسجد وفي طريقهم دائما يصدفون اصحابهم وعيال الجيران انا امنعهم عن الجلوس والتحدث معهم لأنهم بصراحة قد سبق واولادي اخبروني عنهم بأنهم اطفال غير متربين وكلامهم وسلوكهم مشين ويفتحون عيون الشباب الصغار على اشياء تافهه وغير اخلاقيه فماحبيت ان اولادي يجلسون معاهم ويشاركونهم حديثهم ونبهت عليهم وهم مقتنعين بذلك وراضين والحمدالله رب العالمين وشاكرة ومقدرة لك مشاركتك واضافتك المفيدة والتي فيها الشئ الكثيربارك الله فيك وجزاك الله خير ونسأل الله ان يصلح لنا ابنائنا وابنائكم ويجنبهم شرور الجن والإنس
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله