المشاركة الأصلية كتبت بواسطة L0o0Ve

اهم شي لاتردين عليه على طول عشان مايقول ماقدرت تصبر عني وفتحت جوالها
باين عليك طيبه وانشالله ربي بيعطيك على قد نيتك
ان اتصل عليك طنشيه اليوم واذا جا بكره اتصلي عليه وقولي بكل برود اتصلت علي انت وش عندك بس لاتخلينها جافه مره
وقولي له انا ماراح اطلع من بيت ابوي بيت العز والكرم عشان واحد يذلني
اذا انت تبيني وشاريني راح تعرف تحترمني وترضيني وانا اخذت منك موقف ولاحبيت احد يدخل بيننا لانك زوجي وسمعتك تسوى عندي كثير واذا انت تشوفني مو من مستواك او تشوف نفسك اعلى مني خلني في بيت اهلي معززه مكرمه وربي راح يرسل لي اللي يقدرني وان استمر الموضوع هذا اسمح لي راح اظطر ادخل اهلي في الموضوع
وخفي اشوي عليه يعني ان شاء الله اذا عقل وصار يحترمك لاتنكبين عليه لاني اشوفك تحبينه وصراحه شي محمود بس احفضي كرامتك عنده لاتندفعين له كثير
اوكي اسألي عليه بس اذا مااتصل يطمنك على ماقلتي لاتتصلين عليه تدورينه
يعني قد مايعطيك اعطيه والله يجمع قلوبكم على الخير
يارب ارزقها حبه يارب
وكثري من الصلاة والدعاء وروحي صلي التراويح وادعي ربك وانت ساجده انه يولف بين قلوبكم ولاتصيرين قاسيه على اقرب الناس لك خليك حبيبه وبيني حبك بس بحدود انه ماتوصل لكرامتك واذا ابعد عنك ابعدي عنه وان قرب اقربي لاكن ماهو على طول خليه يحس ان لك كيان وهو اللي يحتاج لك مثل حاجتك له
والله يوفقكم