اقتباس:
المشاركة الأصلية كتبت بواسطة الفردوس غايتي
وانا كمان أحبك .. و أنتي تدرين
تصدقين , فرحت مرة لما شفت دعواتك .. نورا أحب فيك حنانك
احسك مرة حنونه ماشالله الله  > يا ليتك اختي و عايشة معي في بيتنا
تدرين وش أكثر شي يخليني أبكي كل يوم ..
اتخيلهم عند النوم , مين ينومهم و يهتم لهم و يقرى عليهم
أدري والله أدري انو حيرجعو لي اذا كبرو إن شالله
بس كيف ..؟ و بأي نفسية حيكبرو ..!! هذا اللي قاهرني
عمري ما تخيلت ان أطفالي يربوهم شغالات .. و صار
> عشان مرة ثانية ما انقد على الخلق
تصدقين .. لما كنت ادرّس اطفال تمهيدي .. الطفل اللي تجيبه الشغالة
للمدرسة أحن عليه و أرحمه .. أحس ان وراه أم جبّارة
أم ضايعة مو مهتمة لبزورتها , كان عقلي صغير وكنت نقادة
ماكان عندي أي عذر لهاذي الأم المضيعة
و دارت الدنيا .. و صارت الشغالة هي اللي تدخل بنتي للمدرسة
> الحمد لله على كل حال
عمتّي زوجها ظابط / تحكيني عن قصة مرت عليه في القسم
لما قالتها لي جلست ابكي ..
طفل عمره 7 سنوات أمه و أبوه منفصلين , في الشهر مرة يجيبه الأب
للقسم عشان يجلس مع أمه اربع ساعات وياخذه ... تخيلي الحكم الظالم
والولد لما يجي يشوف أمه ينبسط و يستانس ولما يخلص وقت الزيارة
يجرونه من أمه غصب .. ماعاد فيه رحمة
الولد قال لأمه لاعاد تجين ما ابى اشوفك
طفل عمره 7 سنين .. تجرع الحرمان والألم .. ومن مين من أمه و أبوه
الله لا يسامح من إغتال براءته و طفولته
عورت قلبِك صح ..!
انا كل يوم اسمع قصص تحزن .. و أبكي على مخدتي
ادعي الله ..يرحمني ويرحمهم لأني بدونهم بلا هوية
اصحى ثاني يوم .. احاول أتناسى و أكون طبيعية
و الحياة ماشية
نورا ... سعيده لوجودِك و دعواتِك ..
واعذريني اذا وجعّت راسك ..انا مزاجي له فترة مو أوكي
بس الحمدلله |
تسلمي لي ياعسل ... ياليتنا خوات كنا فليناها خخخخخخ
اقولك الصدق من بعد ماكتبت ردي هنا ماحبيت ادخل موضوعك هذا
يوجع لي قلبي ...
فراق الام عن الاطفال موووجع
ولليوم لازلت اتذكر ام السوسة وشيهانة و كثير ممن فرقتهم الظروف عن اولادهم
وادعي ربي يصبرهم و يجمعهم
ستي صدقيني حالك ارحم من كثير غيييييييرك على الاقل تشوفيهم اسبوعيا الحمدلله
وبنفس المدينة تعرفي اخبارهم اللهم لك الحمد...
تدري جارتي حكت لي قصة زوجها
تعالي احكي لك
.. فاضية و الاذان باقي عليه خمس سااااااااعات
ياستي زوجها هذا من ابوه من عندنا (عاش ابو يمن
) و امه انجليزية
انجبو 4اطفال .. وبيوم وليلة مادري ايش صار للاب قرر ياخذ اولاده
استنى لغاية ماراحت الام شغلها و اخذ الثلاثة الاطفال الصغار (الرابع مالحق ياخذه
كان بالمدرسة)
اعمارهم كانت بنت سنة و بنت سنتين و ولد 5 سنوات
اخذهم و راح على بلده و ياليت وداهم المدينة الا راح لما قررييته
الام رجعت مالقت حد وعرفت انه اخذهم راحت الشرطة دورو سالو
ماقدر يوصلوا له طبعا
جننننننت الام و جاها انهيار (اتخيلي بنتها الصغيرة سنة )
المهم هذاك رجع بلده و اتزوج وحدة ثانية و ربت عياله و عاش عاااادي
الابن الاكبر(زوج جارتي) بعد ماتم 18 سنة رجع على بريطانيا و دور على امه
لغاية ماحصل عنوانها و كان يروح يشوفها من الشباك و ماهو قادر يكلمها
خايف و مش متاكد اصلا انها هي لانه ماعنده حتا صورة لها
بالنهاية راح لها و عرف انها امه و فرحت فيه مسكينة
بس كانت قواها العقلية متاثرة من حبوب الاكتئاب الي اخذتها سنيين
وقعدت تساله على خواته .. المهم بعد عشر سنوات من سفر االاخ.. خواته لحقوا اخوهم
ولاقو امهم (بعد تقريبا 30 سنة فراق) وهم متزوجات و عندهم اولاد
الحين يكونو بغرفة وحدة وماهم قادرين يتكلمو بسبب اختلاف اللغة
والتربية و البيئة .. اتخيلي بنات من القرية و ام انجليزية ؟؟
ولحد اليوم الام قلبها محروووق من الاب ووانه فرقها من عيالها مسكينة ..
وخلصت القصة ..
ماهو الدرس المستفاد
استودعيهم رب العالمين .. ومردهم لحضننننك
مافي اغلى من الام يافوفو .. كيف عاد لما تكون ام زيك ؟؟؟