جزاك الله كل خير. إن شاء الله بواظب على الأدعية دائماً وإن شاء الله يفرجها علينا أجمعين في هذا الشهر المبارك الفضيل، والله لما قرأت الآيات رحت أبكي من جمال تعابيرها.
بالنسبة لحقوقي، ما أخذتها منه كاملة، أما نفقة الأولاد قليلة غير كافية لسد حاجاتهم من مأكل وملبس ومسكن وعلاج وتعليم.
أنا الحين وأولادي في بيت أهلي الله يديمهم علي لأني ما أقدر أفتحلهم بيت.
كان يسأل عن أطفاله دائما خصوصاً أول ما تطلقنا ولكن بعد زواجه بدى يخفف السؤال عنهم وخصوصاً أنه زوجته اشترطت عدم إقامة الأولاد عندها.
أهله من طول عمرهم سلبيين، ما يهمهم شي، كانوا ينصحونه ويقولونله إنه غلطان وما يسير يتعامل بهذه الطريقة لكن على أبرد ما عندهم فقط رفع عتب مو أكثر، حتى ما يسألون على أحفادهم ولا يهتمون فيهم
أولادي مساكين متأثرين وخصوصاً إبني الكبير، تأثرت دراسته ويقولون المدرسين أنه يسرح وايد بالصف، بس أنا الحمدالله أحاول دائماً أتواصل وأتكلم وياه والحين هو أحسن بكثير
أما البنات وخصوصاً الصغيرة زعلانة من والدها وتقول ليش تركنا واتزوج بنت ثانية
بالنسبة للفتاة التي تزوجها، فلا توجد أي سابق معرفة معاها، هي مطلقة من غير أولاد، ما أدري شلون دبر حاله بمصاريف الزواج والعرس، بس ما أستغرب لأنه أعرفه زين لما يبغى شي يساويه مهما كلفه الأمر. يعني لما كنا متزوجين تلاقيه إذا في شي بباله حاب يساويه يدفع عليه فلوس وما يهمه، أما إذا أنا اللي تبغاه يصير يماطل ويقول ما له داعي ويعملي مشاكل!
حتى قبل طلاقي منه بفترة بسيطة كان يبي يجيب بعد عيال مني، بس أنا قلتله ما أقدر لازم تساعدي أكثر بمصروف البيت إذا تبي تخلف وتجيب عيال، وطبعاً عصب وضربني ، أنا أحس أنو ندم بعد ما طلقني لأنه كان لما يكلم الأولاد يحاول يكلمني بأي طريقة بحجة سؤاله عن الأولاد وصوته كان في نبرة حزن كبيرة بس أنا ما كنت أفتحله مجال وخصوصاً بعد الجرح الكبير اللي تركه في قلبي، ممكن سبب تسرعه في الزواج عشان يبي وحدة تنسيه اللي صار، والله أعلم
الله يصبر قلبي، ويهون عليه جراحي يا رب