شكرا لاطرائك
اما العنصريه اخي الفاضل
اقرا عنوان الموضوع ويتضح من متمسك بالعنصريه ومتشدد ايضا
لم نطلب الكثير فقط الانصاف
اما هنا فأريد ان اتحدث ايضا عن شيء يزعجني بصراحه من بعض الرجال وهو نظافة السياره
شي ينرفزني صراحه واتقرف والله لما اركب سياره وكأني داخله برميل زباله مع كل الاحترام وألقى الاكياس مرميه والعصيرات واكواب الشاي مكانها والدخان مطفي فيها وكراتين المناديل ياخذها كومه من المحطه ورمي في اي مكان وريحتها مكتومه بالدخان ومغبره من جوه ومن برى... والابواب وسخه من جوه وماتتنظف الاماكن الصغيره اللي فيها
ومافيه ريحه حلوه في السياره مثل فواحه او مناديل معطره تعلق خاصه بتعطير السياره او انك تشتري بخور ومبخره صغيره خاصه بالسياره وتبخرها او مو لازم مبخره تبخرها بال...... > معرف اسمه < لكن شي في السياره صغير حجمه وحار جدا تحط البخور فيه وتتبخر وتصير ريحتها تفتح النفس
وترتب سيارتك وتنظف الدرج الوحيد المسكين اللي فيها وترتب اللي فيه
وتكنسها من جوه وتغسلها من برى في أقرب مغسله ويكون هذا الشي بصفه مستمره مو يمر الحول وانت مانظفتها ويجيك قرف لما تقرب منها وتبتعد عنها عشان ماتتوسخ ملابسك بالغباراللي عليها
وتنتبه للاوساخ المرميه تحت المقاعد كمان
وترتب شنطة السياره وتنظفها وتخرج الشي اللي ماله داعي بس يزحم على الفاضي مو كل شي مرمي ومبعثر وكأن حياتك مليانه مشاكل وكئيبه
لما اشوفه اختنق من المنظر


هذا الشي يعكس صورتك قدام زوجتك وقدام الناس وقدام نفسك
خلي سيارتك مرتبه ونظيفه لانها تعكس نظافتك وتبين احترامك لنفسك وتقدم صوره حلوه يعرفوها الناس فيك
هذا الشي كمان يضايق زوجتك وحبيت انبه عليه

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.