وعليكم السلام ورحمة الله وبركاته

أولا .. اشكرك من كل قللللبي على اهتمامك ودعواتك الطيبه
وكلامك اللي يبرد القلب .. صراحه ما توقعت بتذكر موضوعي وتدعي لي وخصوصا مع جو رمضان
والطباخ ماشاء الله =)

أبشرررك انا الحمدلله أموري طيبه
في البدايه كنت احس بصعوبه مع فرحتي الكبيره برمضان
لكني قررت امشي بالتدريج .. وحبه حبه عشان احس صح خصوصا بعد فترة الانقطاع الطويله
تدرجت .. وكلها ايام والحمممممدلله مرت علي الايام اللي طافت من أروع ما يكون
رااااحه وانشراح صدر وفرحااااانه .. وحسيت اني قربت من ربي اكثر
صرت أصلي وادعي وبعد ما اكمل صلاتي .. أحس برااااحه حلووه
الحمدلله فرحانه واااااايد
وذاك الموضوع أبشرك نسيته .. وخلاص جلست جلسة مصارحة ووقفة مع نفسي
وتغلبت على كل شيء .. حتى صديقتي اللي نزلت عنها موضوع من كم يوم
خلاص ما بقلبي عليها شيء وسامحتها لوجه الله .. عسى الله يغفر لي ويرحمني
والحين الحمدلله معنوياتي عاااليه عااااليه وناويه ما يخلص الشهر الا وانا شخصيه جديده بالمره

تصدق .. والله حتى اهلي واقاربي يقولون لي وجهي متغير وينور (اللهم لك الحمد)
أما أيامي .. اقضيها بين نفسي وربي .. وباقي وقتي كله مع اهلي
ما اترك لنفسي وقت فراغ .. حتى صرت مبدعه في الطبخ
بس مو اشياء ثقيله .. لان امي ما تخليني تخاف اخرب شغلها
يعني الخفايف والحلويات والشوربه ..

وان شاء الله اذا ربي كتب .. كلمت ابوي نروح عمره
لكن حاليا ما يقدر لظروف عمله .. بس وعدني بأقرب فرصه ..
الله يرزقني عمره عاااجله يااارب .. آمييين

وبس .. كأني اتكلم كثير لكن والله من فرحتي وراحتي
حبيت اطمنك عشان ما تخاف علي .. بس تدعي لي بالثبات والهدايه وقبول الاعمال
وأسعدتني كلماتك ودعواتك وانك تذكرني
وانا والله ادعي لكم في كل وقت
بأن ربي يوفقك ويسعدك ويفتح لك ابواب رزقه
وخصوووووا ان ربي يرزقك بالذريه الصالحه عاااجل غير آجل
ويتقبل منك صالح اعمالك ويجعلك من العتقاء في هذا الشهر الفضيل من النار
اللهم آمييين

شكرا أخوي

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين