رد : مساعدة بحواجز السرير
اهلا سارة
شوفي ياقمر .. الحواجز مناسبة للي يتحركو اثناء النوم
لكنها مش وسيلة امان
فلو طفلك من النوع الي يقوم بالليل كثير او ماشاء الله شقي
فا لا هذه ماتناسبه
وبشكل عام يمكن تناسب من هم بعمر الاربع سنين ومافوق
طيب فكرت لك بحل ثاني
انتي تدوري سرير امن امن امن هذا اهم شي صح
و بنفس الوقت يسع الطفل و يكون مريح و ماياخذ حيز
ويكون سعره مناسب لانك ماراح تستفيدي منه كثير .. هي فترة محددة لغاية ماتفصلي له غرفة
ايش رايك ب travel cot
هذه صورته 
اعتقد بيناسبك لانه اولا مناسسب لعمر ابنك و بيمشي معاه لعمر ثلاث و نص او اربع
سرير عادي حطي داخله فراش على قياسه و خلاص
اذا وقف الطفل مايقدر يتسلق و يطلع منه لانه مرتفع الاركان و الحواف
خفيف وسهل النقل .. ممكن بالليل سرير و بالصباح انقليه معك لغرفة المعيشة
اوو حتى المطبخ
وتشيلي الفراش و تجيبي له العابه و يلعب داخله وتكوني متطمنه عليه جدا
لانه مبطن بالاسفنج فحتى لو ايش ماسوي ماراح يتعور باذن الله .. بعكس السراير الخشب
سهل التخزين.. تفكيه بسهول و يلتم ... يدخل داخل شنطة زي ماموضح بالصورة
وتخبيه
واذا سافرتي مكان تاخذيه معاك لانه يدخل بشنطته و يصير سهل الحمل ..
واخيرا سعره جدا منااسب شوفيه ب تويز ار اص او اي محلات اطفال
في منه احجام و اشكال مختلفة .. خذي اكبر حجم
عشان يرتاح فيه ابنك ..
ان شاء الله تعجبك الفكرة
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله