السلام عليكم ورحمة الله تعالى وبركاته

اخوي نادم
لاتكبر الموضوع بالعكس المفروض تفرح انك عرفت أن اهل البنت محافظين على بناتهم وعلى تربيتهم مما يعطيك راحة نفسية في حسن اخلاق زوجتك وتربيتها.

وسماعها لكلام اخوها هذا بيعطيك دليل اخر انها عندها القابلية والمرونة لسماع كلامك ، وان زوجتك حرمة رضية ومطيعة وبارة في اخوها مما سيجعلها بالتأكيد تبرك وتستر عليك. (اللي فيه خير لأهله فيه خير لنفسة وللناس).

انا والله ياخوي نادم لو كنت مكان الرجال سويت مثلة ، وانت بعد حط نفسك مكانة!! تخيل انك تعقد لأختك على شخص وتسمحلة يجي البيت ويقعد معها ويكلمها تلفون ويعرف ادق ادق التفاصيل عن اختك هذا من غير الصور ، وفجأة ينفسخ العقد لأي سبب من الاسباب ايش بيكون شعورك امانة ؟؟؟ والله بيكون شعور سيئ جداً.

انت بنعمة بس مو حاس فيها للحين وراح تحس فيها بالمستقبل ان شاء الله ، ودام هذولا نسايبك لاتخاف على عيالك.

عمر بن الخطاب رضي الله عنه يقول (جُعل خير عيشنا الصبر) ف اصبر لين ماتعرس وتهنى فيها وبشوفتها جعل ربي يسعدك معها وتشوف من خيرها ويكفيك ربي شرها.

موفق .

__________________
استغفر الله واتوب إليه