شمعة المنتدى التى لاتنطفئ
تاريخ التسجيل: Jan 2004
المشاركات: 4,250
اللي يحب مستحيل يخون ....
إقتباس : اول شي لا حد يشره علي ولا احد يعاتبني ابي النصيحه والتوجيه.....
تأكد تماماً يا أخي بأن الواحد لو عاتبك فهو يحب مصلحتك ويبغي لك الخير وبأذن الله مادام وصلت لهذا المنتدى سوف تجد التوجيه والرأي السديد والنصيحه الرائعه ...
أخي الفاضل [[ نواف بن طلال ]] ...
ليه من البدايه أنت ماأخذتها ...؟ يعني لوكانت تحبك جد مستحيل يهون عليها وتأخذ غيرك .. طيب قلنا مومشكله قضاء وقدر ... وكيف هان عليها أنها تخونك..؟؟؟!!!! هذا دليل كبير على عدم حبها لك ... ونفس ماخانتك اليوم بتخونك بكره واللي بعده .... وفكر ياأخي الكريم أنك بتهدم بيتها وسعاده زوجها من أجل بناء سعادتك... أيش هذا القلب القوي اللي يسوي مثل هذهِ الأعمال ... هذا قلب الانسان الغافل اللي ناسي ربه وناسي هو من يكون ..
المفروض أنك تنساها من بدايه زواجها مادام ربي ماكتب لكم نصيب في بعض ... وتخيل ياأخي نواف أن زوجتك تخونك وأنت معتبرها كل شي في حياتك وش إحساسك يا أخي الفاضل ... بالتأكيد بتتمنى الموت !!
أجل وشلون إحساس زوجها لو لاقدر الله عرف .. أخي أنت الحين تحبها عشان كذا مستحيل تشوف عيوبها ... وصدقني مادام هي رضت على نفسها أنها تخون زوجها اللي هو حلالها وشلون ماتخونك أنت يالغريب ...
نفرض أنها نصادت وهي تكلم غيرك ... صدقني أهون عليك من أنها تتعب في حياتها وتعاني منك أنت .. وأنت بتتعب من ضميرك طول العمر على هذا الذنب...
فكر ياأخوي وتمعن في هذهِ المسأله ... أرجع لله عزوجل ... وفكره أنك مستحيل تعيش بدونها هذهِ فكره من الشيطان ... لأن في ناس عاشوا بعد وفاه أغلى الناس في حياتهم ... وهي الأم اللي مستحيل نطلع من جزاها ... وهناك العديد من الأرامل اللي عاشوا بعد وفاه أزواجهم.. اللي قضوا معاهم أحلى أيام العمر ... وأنت تقول ماأقدر أعيش ... أنت رجال ... وتقدر تضبط عواطف وتحط لها حد ...
فكر ياأخوي ولاتضيع أكثر من عمرك الي ضاع مع انسانه خاينه ... وبتخونك بعد الزواج لوتزوجتها ... أنت الحين في عمر مناسب للزواج .. دور لك بنت الحلال اللي تستاهل إنسان طيب مثلك ... وتزوجها وربي بيرزقك على نيتك بإذن الله ... إنسانه تصونك تحافظ عليك وعلى إسمك .. وتجيب لك العيال .. وتبدا حياتك من جديد .. أدعي ربك أنه ينجيك منها ومن غدرها ... أدعي ربك أنه يرزقك بالبنت اللي تنسيك ذكرياتها المؤلمه .. أدعي ربك أنه يقسي قلبك عليها ... وأبشر بكل سعدك ياأخوي ... ولاتنسى أن رب العالمين كريم لأبعد الحدود ... أفتح صفحه جديده في هذهِ الأيام المباركه ... وحافظ على نفسك من هذهِ الشهوات وأقضي رمضان بصبر وقراءه القرآن وصلاه وقيام ودعاء .. وصدقني أنه بإذن الله بجيك اليوم اللي تبشرنا بزواجك بإنسانه رائعه بنت أصل وتعرف وش معنى أن الوحده تصون زوجها في حضورة وغيابه ... وبتضحك على نفسك لأنك بتدرك أنك كنت مخدوع مع هذهِ الانسانه وتتحسف على كل دقيقه قضيتها في عصيان الله عزوجل من أجل إنسانه ماتستاهل ..
وبالتأكيد ترى الشي اللي يكون بالحلال حلو ... وحلو أنك تعيش مع زوجتك وتصونها وتخاف عليها وتكون قدام عينك مو مثل هذهِ البنت اللي الله أعلم وش اللي تسويه في غيابك ... أنت ياأخي نواف كبير ولازم تفكر بعقلك مش بقلبك ... ترى الدنيا كذا ... ويقول المثل عاشر من تعاشر فلابد من الفراق ...
تقبل تحياتي لك ... وآسفه جداً على الاطاله ....
أختك في الله .... الهنووووووووووووووف
التعديل الأخير تم بواسطة alhanoof ; 29-09-2004 الساعة 02:57 AM