سبحان الله
انا خالعه
لكن مااقدر اصدر حكم عام على جميع المخلوعين
مع إن الغرض الوحيد اللي يوصل له الرجال في الغالب (استرجاع المهر)
وهذا حق من حقوقه ما أنكره
لكن أنكره لما يكون ملكة بس .. زي حالتي
وهو عارف وداري ومتأكد إن المهر بيرجع له
لكن بعض البشر طريقة تفكيرهم غريبة سبحان ربي
الله يحلله ويبيحه هو وكل من تسبب باللي صار
وبالنسبة لأهله حبيتهم مع إني مااعرفهم زين لان ماامداني تملكت الا صارت سالفة طلب الطلاق
وإذا ناوين يكيدون لي أو كادوا لي الله يحللهم ويبيحهم بكل شيء مسامحتهم من كل قلبي
لكن شي واحد مااقدر اسامحه عليه ، عجزت أطهر قلبي من هالشي وعجزت أسامحه
إنه دخلني المحكمة
ووقفت حرمة لحالي بين مع مجموعة رجال في الاصانصير
عزة علي نفسي إني صرت بالهموقف
أستحي أمشي بين أخواني ومحارمي
وصرت بمكان مغلق بين مجموعة رجال
والله إنها حرة بقلبي إلى الحين
وقتها لا شعوريا تحسبت عليه ودعيت إنه يشوفها في أحب الناس له
مثل ماوقفني هالوقفه أنا وأبوي الشايب المسكين

اسأل الله أن يجبر قلب كل وحدة مرت بتجربة طلاق ويعوضهم خير
واسأل الله إن يعوضني وبسمة وذكرى والخالدية وكل من مرت بتجربة طلاق بعد الملكة
ويارب ياحي ياقيوم مايجربونها خواتي ولا بنات المسلمين
تجربة مُـرة بكل ماتحتويه الكلمة من معنى