كانت الوالده الله يخليها ويطول في عمرهاتضربنا ضرب كانت مريضه وبسرعه تعصب ويضيق صدرها
كان اي احد يخطي فينا وتزعل الوالده منه نعرف اننا كلنا بننضرب بسببه
كان المنظر يحزن وفي نفس الوقت يضحك يعني كنا كلنا صغار ومتقاربه اعمارنا وكثيرين ماشاء الله ولما تضربنا الوالده وتلحق فينا بالخيزران احنا كلنا نشرد وهي تلحق ورانا هههههههههه والله كنا نموت من الضحك من منظرنا وهي مسكينه كانت ماتتحمل كنت احن عليها كثير لانه تعب عليها مريضه وعندها عيال مزعجين
من كثر ماكانت تضرب فينا واحنا صغارمره من المرات ضربت اخوي بالسلك وجات الضربه في عينه والعين تاثرت جدا وتنوم اخوي في المستشفى اسبوع وصار نظره جدا جدا ضعيف بسبب الضربه لانها كانت قويه اما سبب الضرب لان امي نادته في الصباح بعد ماصحته بفتره وكان نايم ماسمعها نادت نادت وبعدين جات تضرب
وامي الله يهديها كانت ماتضرب في مكان محدد عشان لاتأذينا لا كانت تضرب في اي مكان والوالد ماكان يقول لها اي شي بس يمسكنا ويقول امكم مريضه
مره ثانيه رمت الفنجان على اختي وهو مليان شاي حار بس الحمد لله ماجا في اختي بس ضرب في الجدار وتكسر
كانت الله يهديها بس تدعي علينا بحوادث سيارات عشان ترتاح مننا بس كنا نتكلم مع بعضنا ونقول لانها مريضه لدرجة مره شكيت قلت يمكن هذولا مو اهلي ومره جهزت شنطه وانا صغيره وكنت بترك البيت بس ربي هداني ورجعتله
اما الوالد الله يحفظه
مازال الى الان يجرحني بتعامله معنا هو متزوج زوجه ثانيه ويحبهاويحب عيالها واحنا سبحان الله ماكأننا عياله دايم يتريق علينا ويستخف بافكارنا وكلامنا
سبحان الله احسه احيان حائل واقف في وجهنا كل ماجينا نتقدم خطوه
اااااه جرحني الوالد كثير ومازال يجرحنا
بس الحمد لله
اما زوجي مره ضربني ضرب ضربني ضرب والله هو يضرب وانا اشوف فيلم حياتي معه ينهار ينهار ينهار
على الرغم من ان والدي كان ظالمنا ومفرق بيننا كثير الا انه ماعمره في حياته ضربنا وافكر واقول دايم ابوي مامد يده علي في حياتي كلها معه وانت اللي تركت اهلي واخواني وحبايبي عشان اعيش معك تضربني بهالشكل
ااااه من القهر ااااه
سكت ومشيت حياتي اللي مدري كيف بتمشي لكن مشيتها ومشت والحمد لله احيان اقول توفيق من الله اني الى الان على ذمته رغم الجروح اللي سببها لي
يعني تخيلوا وحده تتخيل انها اذا تزوجت تدخل الجنه وتتفاجأ بمعامله زي كذا*
واللي كنت اتاثر فيه لما يجي احد ويقول ذي حلوه ومهتمه في بيتها وزوجها ياحظ زوجهاواضح انهم عايشين في سعاده وانا في داخلي اتالم من اللي اشوفه من معامله
الله يهدي زوجي يارب ويسخره لي اللهم امين

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.