الفردوس غايتي ..

قلتيها الله يجزاك كل خير ..

(( بخاصة عندما تضيق و تنسد في وجوهنا و تكون من المقربين , الذين يفترض بهم أن يكونو هم العون
لكن دووما تقال , الحمد لله .. كرريها و أمضي فقط ))

.
.

و بالفعل و الله ،، أمس بعد ما قرأت كلامكم .. تشجعت و صليت لربنا و بكيت و ارتحت كثير ..
و أشعر اليوم بإني بدأت استرد قوتي شيئاً فشيئاً ..

و صرت دحين أقول *الحمد لله* بكل اللي صار ، لإنها بتقربني من ربنا أكثر ..

.
.

مو كتبت إنه من كل مكان مقفلة ؟؟؟

يعني بالإضافة إلى ما لقيته من أقرب الأقربين .. بدأ زوجي يتغير بعد وفاة أمي ..

أمي كانت دايما توصيه فيا ، و تتجمل عليه دايماً ..
و هو كان يحبها مرة و يقول أصحابي دايم يقولولي ( يا بختك في حماتك ، ما عندها بنات تزوجنا هم ) ؟

و دايما كانت مثل صحبتي ،، نمزح و نتخاصم و نتصالح و نضحك سوا أنا و هي ..

يعني خلاص بدأ يعرف إنه زوجتي الآن ، أبوها ميت و أمها ماتت .. و أقاربها طلعوا عقارب ..
و مهما صار لها و مهما عملت .. مصيرها ترضى غصب عنها باللي ما ترضاه و تسكت ..

.
.

اليوم أنا مختلفة جداً عن أمس ..
و لاحظته فعلياً بتصرفاتي ..

تطنيش زوجي و استفزازه لي ، صرت أقابله بالصمت أيضاً و اللامبالاة ..
و تعلمت الصراحة الطريقة هذه من لجين الحزينة مع أبو خليفة ..
ما أحزن مثل قبل و أكتم بنفسي و أكل بنفسي و أنحف أكثر ..

لإنه كان مرات من حاله كذا ، يحب يستفزني لحد ما أبكي و بعدين يجي يتأسف و يراضيني ..
يفرح مرة إذا شاف دموعي .. بس دحين قطعت وعد على نفسي .. ما أبكي قد ما أقدر أمامه ..

لإنه نفس الشي يعمله مع ولده ، يضربه و يبكيه بدون سبب .. و بعد ما يبكي ولدي ..
أحس زوجي ينبسط و يحس حاله انتصر لنفسه ؟؟؟

قلت له مرة ، إنت لازم تتعالج من العقدة اللي بداخلك ..
لإنه مبدأ التعامل و التفاهم عند أهله ( الضرب ) ..

.
.

بس الحمد لله ..