أبلة بيتا ..

اعترف إني بأدعي بس مو بنفس طريقتي زمان في الدعاء ..
حتى أذكار الصباح و المساء مع الضغوطات هذه نسيتها و ما صرت أقولها مثل زمان ..

و بسبب كلامك هذا ، أمس استشعرت كل كلمة سألت ربي فيها .. و ما تمالكت نفسي ..
يمكن اللي حصل لي ، عشان أرجع لربنا أكثر من قبل ؟؟؟

.
.

أمس قريت كلامكم و صرت أفتكره كل مرة مع نفسي ..
(( تذكري انه اللي كانت تدعي لك ربنا يبعد عنك اللي ما يخافوا الله وتدعي لك انه ربنا يحميك من شر
الكايدين راحت الله يرحمها ... يعني اذا كان يكفيكي دعاء ربع ساعة صباح كل يوم عشان يكون يومك موفق صرتِ تحتاجي الان يمكن نص ساعة أو ساعة عشان تعوضي النقص اللي صار .))

.
.

أصلاً أمي عمرها ما كانت تقول لي فلان قال عنك كذا و فلانة ،عشان كذا ما كنت أدري إيش بقلوبهم.
كانت تجي تصرفات منهم ، لكن كنت أقول ( بسبطة ، ما يقصدوا و كبري عقلك إنت ) و أطنششش ..
اكتشفت إنه تطنيشي هو اللي كان يقهرهم أكثر .. بجد شر البلية ما يضحك .. ؟؟؟؟؟؟؟؟

و قبل لا تموت الله يرحمها ، كنت أشوف نظراتها لي ..
و قالت لي مرة ، كل ما صار شي أخوانك و أخواتك يقولولي ( روح الطير ) السبب ..
و إذا دافعت عنك ما يصدقوني .. ما يدروا إنك مالك دخل و لا تجيبي سيرتهم أبدا ..

و كل ما أحد تكلم عني قدامها ، كانت تسكتهم و تقولهم ما أبغى أسمع شي ..
و أنا عن نفسي ما كنت أبدا أتكلم عنهم بسوء و لما أمي تفضفض لي ،.
كنت أحط لهم أعذار و أدافع عنهم من خلفهم و أقول لها ما يقصد فلان .. خلاص طنشي و زي كذا .،
عشان كذا كانت تقول لي أحب أحكي لك أي شي ، لإنك تهدي نفسي مو تشعلليها ..

.
.

عشان كذا بعد موت أمي الله يرحمها ، وقت شفت منهم الشي هذا ..
قلت ما راح يتغيروا و لا راح أقدر أغير شي ..

.
.

صفحتهم قفلتها من حياتي الآن ( نهائياً ) ..
صارت أشياء كثيرة و كبيرة منهم بعد موت أمي ، بس الله يسامحهم ..
أنا ماقدر حالياً ..