اقتباس:
المشاركة الأصلية كتبت بواسطة كن فيكون
ابو عساف
الله يرزقك بالذريه الصالحه
معاك حق بكلامك لانك ماشفت الا جانب واحد من المشكله ماعرفت مشكلتي بصوره كامله
ليتك تكمل معاي للاخر وتشوف هل من حقي افكر بالطلاق او لا
وماهي الحلول بنظرك لكل مشكله من مشاكلي معاه
يمكن ربي معطيك الحكمه والبصيره والقى حل
|
أنا قريت كل ردودك يا أختي الكريمة ،، وكل التفاصيل عرفتها ..
وبحاول أساعدك قد ما أقدر عليه ،، واهم شئ بدعيلك ان الله يفرج عليك ويغير طبعه ان شاء الله وعسى ان تكرهوا شيئا ً وهو خير لكم ...
قال تعالي :
( وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُّرِيدَا إِصْلاَحًا يُوَفِّقِ اللهُ بَيْنَهُمَا إِنَّ اللهَ كَانَ عَلِيمًا خَبِيرًا ) ..
وقال تعالي :
( أَنْ تَعْفُوا أَقْرَبُ لِلتَّقْوَى وَلاَ تَنسَوُا الْفَضْلَ بَيْنَكُمْ إِنَّ اللهَ بِمَا تَعْمَلُونَ بَصِيرٌ) ..
وقال تعالي :
( لَعَلَّ اللهَ يُحْدِثُ بَعْدَ ذَلِكَ أَمْرًا ) ؟؟
في حالة ان هالزوج المذكور يعمل هالحركات مجرد المزح فهذا شئ آخر .. ولكن إذا كان زوجك وأسرته
واخوانه يمارسون هالطريقة مع زوجاتهم وهذي عادة سيئة جدا ً لأن المرأة ماجت من بيت أبوها وتركت أهلها
وتركت أخوانها وخواتها إلا تطلب الستر من الله ثم من زوجها ويصونها ويقدر العشرة ويعرف واجباتها ويعرف
الواجبات الي عليه هو لها ..
وفيه شئ لازم تعرفيه يا أختي الفاضلة لاتحاولي تدخلي نفسك في مشاكل اخوانه مع زوجاتهم عشان مايخرب بيتك انتي ، اهم شئ انك مسؤولة عن بيتك وولدك الله يحفظه ويخليه لك غير كذا لاتتدخلي في مشاكل بيتهم
وغير كذا كل زوجة تقدر تغير زوجها وتغير طبايعه ولاتقولون لي ماتقدر حتى ولو كان فيه كل العيوب وكان وكان صدقوني تقدر بأشياء كثيرة ، وأولها انها تستعين بربها وتتوكل عليه في كل وقت وكل حين وتجاري زوجها
وتحسسه انه راعي بيت وعليه مسؤولية وعليه واجبات تجاه زوجته وحقوق ومن هالحقوق عدم إهانة الزوجة لأن ديينا حثنا على إحترام الناس بكل طوائفهم ..
اجلسي معه جلسة لحالكم وبعيد عن احد ولو تكون برا البيت احسن عشان تقدري تتكلمي معاه زين وحاولي تضربين له أمثال في كيفية تعامل النبي صلى الله عليه وسلم مع زوجاته وكيف يراعي مشاعرهم ويقدر وضعهم وفي نفس الوقت خليك مطيعه له في كل شئ وفي هالنقطه وهالموقف انتي بتحرجيه في تصرفاته وصدقيني بتمر فترة ويتعدل طبعا ً الواجب عليك تتحملي ولاتناقشيه في أمور المزح عشان ماتفتحي باب لمشكلة هي أساسا ً ولا شئ وتجنبي المزح الثقيل معاهـ .. وان شاء الله يتعدل واسأل الله ان يعدله عاجلا ً غير آجل ...
فوالله اني حزنت لتعامل هالأزواج مع زوجاتهم ،، والله حرام عليكم البنت تجي من بيت أبوها تبغا واحد يسترها ويصونها ويحترمها ويقدرها وهي تشوف أشياء يمكن لو تعرض عليها قبل الزواج ماتزوجت ابدا ً ..
الصبر الصبر الصبر والدعاء وانا أخوك وربي بيفرجها عليك ان شاء الله
وآسف على الإطالة