رد : أشيروا علي أيها الناس....زوجتي كأختي.
اقتباس:
المشاركة الأصلية كتبت بواسطة درة 22
ولو فرضنا تزوجت الثانيه واحسست انها كاامك او اختك
هل ستتزوج الثالثة؟؟؟؟؟؟؟؟؟
اتقي الله في بنات المسلمين 😔😔😔
|
من جــــــــــــد
لو ازوج اختي لواحد ويجي يقول والله احسها زي اختي .,
طيب وش اسويلك مع ذا الاحساس .. هذا زواج بعد خطوبه وملكه وحركات ووقت تتعرفوا ع بعضكم
وهذا زواج ميثاق غليظ تستحل به شيء عظيم .. تجي تقولي زي اختي !
اعتقد مثل ما قال الحصان وحيدا .. بس هو ماقالك اياها مباشره ..
انت شكلك طول عمرك مطوع ماشاء الله ومتدين الله يوفقك ويحفظك ..
وعمرك ماشفت ولا جلست ولا احتكيت ولا سمعت يمكن من اصحابك عن علاقة حب ورومنسيه
.. صارت كل بنت في بالك او امرأه تمثل وحده من اقاربك خالتك عمتك اختك امك ..
لا يالغالي الزوجه والعشيقه تختلف اختلاف كلي تماما عن نساءء العالمين
.. انت ابدأ مثل ماقالك الحصان وحيدا .. وان شاء الله بيتغير هالشيء
لان لله في كل شيء حكمه فكيف يجعل الله من البشر من يشعرون كشعورك بعد الزواج
.. صدقني تفسد الدنيا .. لان هالاحساس قاتل بعنى الكلمه ان جعلته ديدن يومك وحياتك
.. والرجل يكون رجل وله قيمته امام الناس خارج البيت .. اما بداخل بيته يكون كالطفل او كالعاشق المراهق
...
من منا لا يعرف قصة عمر بن الخطاب رضي الله عنه ..
عندما جاء له رجل يشتكي من زوجته ثم سمع الرجل ان زوجة عمر هي من ترفع صوتها عليه ..
فعاد يجر اذيال الخيبه ..
وكان سيدنا عمر ينحني ويمشي ويلاعب اولادهـ ويرحمهم .. الخ
وهو من هو . عمر الفاروق .
لاكنه في المنزل يكووووون الاب والزوج والحبيب
وكذالك محمد صل الله عليه وسلم .. تسمع القصص العجيبه مع امنا عائشه ..
كان يسابقها ويلاعبها ويمازحها .. ويحبها ويخبرها بهذا الحب ..
نصيحتي لك فقط .. اخلق في المنزل جو رومنسي وعشق × عشق
واقلب هالاحساس الكاذب في داخلك .. الى جو رومنسيه جميل
لاكن والله من يدخل العشق بقلبك .. إلا تصير متيم تلاحقهـا في غرف البيت ..
بس خل عنك الهياط ولا تسوي ثقيل ههههههه
يرحم امك
غيرك مو لاقي / قول الحمد لله وغمض عيونك شوي وتذكر ايام العزوبيه
علينا يامناحي !!
الله يوفقك يارب ويسعد قلبك .. امين
شوووف حظك حلو جدا .. انآ ماخذ فندق في مكه سبحان الله ولقيت عندهم انترنت
ودخلت بشوف شغله ورديت على موضوعك .. ابشر باحلى دعوهـ بهالوقت الفضيل عند الكعبه
اوعدك ..
بسسس انت كذآ ساعدنا على نفسسسك ..
وانتبه انتبه تقول لزوجتك انا شايفك مثل اختي او شي من هالقبيل ..
لانك راح تجرحها بتشق قلبها شق ..
لما تحبك انسانه وتتعلق فيك وتجي تقولها انتي زي اختي ( اعرف انك قتلتها )
التعديل الأخير تم بواسطة ابو عقيل الهاشمي ; 11-08-2012 الساعة 07:00 PM