الله يكون بعونك ويصلح شأنك آمين.
والله ضحكتني عن مكافحة الفساد والأسر المزورة، إتصدق معظم الأسر اللي أعرفهم نسبة التوافق بينهم تكاد لا تتعدى 20%، عندي ابن خالتي، كان يبي يطلق زوجته من أول شهر، صدقني رجع من شهر العسل يبكي ويقول أنا تورطت، زوجته الله يهديها، تغار جداً ومتطلبة لأقصى الحدود وما يعجبها شيئ، وطبعها حاد جداً، وعندها لفة ودورة، وطماعة، وتهاوشت كذا مرة مع أهل زوجها، لكن قدّر وإنها حملت على طول، ومع البيبي ما قدر إن يتركها، وبعدين خلفت وصار عندهم الحين ماشاء الله 4 أولاد، والله إنه يحلفلي إنه لولا الأولاد ولولا مخافة الله في حرمته كان طلقها من زمان. بس هو صابر عليها وهيه بعد تحسنت شوية يصدر منها بعض المشاكل بس أحسن من قبل.
وعندي صديقة لي في العمل تزوجت زوجها عن حب، ولديها 3 أطفال وتقولي إنها هي وزوجها وصلوا لمرحلة إنهم عايشين حياة روتينية قاتلة لا تخلو من المشاكل والمناوشات، وداخلياً تتمنى الانفصال عن زوجها، لكنها صابرة وتقول حياة وبتمشيها عشان الأطفال.
وأمثلة عديدة، كل أسرة ولديها قصتها ومشاكلها، ومثل ما يقولون البيوت أسرار، والجميع عنده مشاكله.
الله يارب يكتبلك اللي فيه الخير ويهدي بالك ويسكن سريرتك ولجميع الأعضاء يا أرحم الرحمين.