انا ماني فاهم شلون متزوجين وماتشوفون بعض الا كل اسبوعين لظروف عمل كل منكم

زواجكم هذا ليس بزواج هذا غربله ومشقة عليكم

انقلي لمكان عمل زوجك او هو ينقل لمكان عملك الفجوة اللي بينكم بتزيد اكثر واكثر

مابينكم التقاء انتي لاهيه وهو لاهي

وبصراحة من اهم اسباب بعد زوجتي عني وبعدها عن قلبي انها لها سنتين تدرس مسائي ارجع من الدوام ما القاها ماعاد فيه الفه

قربوا من بعض حاولوا تقربون من بعض

دوروا واسطة للنقل ولا تقولين مابي بجلس عند اهلي ابي اهلي واحب اهلي كلنا نحب اهلنا بس ظروف الحياة تجبرنا

وبعدين الله يجزاه خير انه موافق على الانفصال اللي بينكم بالاسبوع والاسبوعين غيره ما يصبر ولا يرضى وانا منهم ليه اتزوج اذا مافيه استقرار وسكنى ؟؟

اما من ناحية الفلوس من حقك يعطيك مصروف لو 500 ريال ومن حقك لاطلبك فلوس ترفضين واذا هو من الناس اللي تطلع على حسابك

افتحي حساب في بنك آخر وحولي حسابك فيه واذا سأل وين راحت فلوسك قولي عطيت امي وابوي وكل شهر حولي من الانترنت واجمعي بدون كشف حساب على البريد لان كشف الحساب صار الكتروني بالايميل

وبطاقة الصراف خليها عند اهلك

احفظي مالك ولا تساعديه الا بالمعقول واذا لاحظتي انه مزنوق فعلاً اما اجار شقة مفروشه هذي مهمته

لكن بالاساس المشكلة في افتراقكم اجتمعوا علشان تقدرون تتفاهمون وتستتب اموركم