شمعة المنتدى التى لاتنطفئ
تاريخ التسجيل: Jan 2004
المشاركات: 4,250
شوف ياأخي متزوج ... وأنت ياأخ بلوبيرد ...
بصراحه هذي مش إنسانه يعني ماتحس على دمها ... المفروض أن الوحده تستقبل زوجها من عند الباب ببتسامه وتكون كاشخه لزوجها ومرتبه البيت ومجهزه العشا ومرتبه غرفه النوم .. على الاقل عشان تنسيه تعب اليوم بطوله .. وتسمعه الكلام اللي يجبر الخاطر ويبرد القلب ... أما أن المسكين يرجع وهي نايمه!!!!! بصراحه مش عدله في حق الزوج ... وربي أني أداوم الصبح والظهر أروح الجامعه وأرجع الساعه 7ونص وحيلي منهد وتعبانه بالمره وفوق هذا ارتب غرفتي وأنظفها وأعطرها والبس لزوجي وأجهز له ملابسه لأنه متعود أول مايرجع من برا لازم يسبح ومستحيل تغط عيني قبل لاشوف وجهه ... هذا طبعي .. والله يهدي باقي الحريم ... وعلى فكره ترى المعامله الحلوة تخلي الوحده تكبر في عين زوجها ... تدري ياأخي الكريم .. أوقات أسأل زوجي وأقوله الحين مر على زواجنا 5سنوات ودخلنا السنه الـ6 وربي لسه مارزقنا بالأطفال .. ليه ماتتزوج .. أنا بختار لك العروس ... وربي أنه يقول لي ..إذا تركتك وأخذت غيرك أعرفي أني نخبلت ... وشلون أترك إنسانه مستحيل أحصل مثلها .. وبعدين موضوع العيال هذا الشي من عند ربي .. ومستحيل أزعل على حكم ربي ... وعسى ان تكرهوا شي وهو خير لكم ... وبعدين أنا سعيد معاك يعني هذا الشي يسوى الدنيا ومافيها ...
صدقني ياأخوي أن هذا الكلام يسوى الدنيا ومافيها لما أسمعه من زوجي ... وطبعاً الاحترام والمحافظه على راحه الزوج .. أنا أعتبرها عوامل في نجاح العلاقه الزوجيه وعدم قدره الزوج على التزوج بأي وحده ثانيه ...
ولاشكر على واجب ياأخي متزوج ... وماشاءالله على موضوعك الشيق واللي يستاهل أن الواحد يتناقش فيه لأنها حقيقه في أغلب البيوت ..
التعديل الأخير تم بواسطة alhanoof ; 29-09-2004 الساعة 06:14 PM